ايازدى كۇندەرى پەش جاققاندا ورتتەن قالاي ساقتانۋ كەرەك

ش ق و توتەنشە جاعدايلار دەپارتامەنتى باسپا ءسوز قىزمەتىنىڭ مالىمەتىنە سۇيەنسەك، اياز كۇشەيگەندە پەشتەن شىققان ءورت جيىلەپ، ءيىس تيگەن ادامدار كوبەيەدى. سوعان وراي پەش جاققاندا قاۋىپسىزدىك ەرەجەلەرىن قاتاڭ ساقتاعان ءجون.

قىستا ءۇيدى جىلىتۋ ءۇشىن پەش دۇرىس، ەڭ باستىسى قاۋىپسىز قالانۋى كەرەك. جەر ءۇي يەلەرىنىڭ «تاعى ءبىر قىستاپ شىعامىن» دەپ ءوزىنىڭ جانە جاقىندارىنىڭ قاۋىپسىزدىگىنە نەمقۇرايلى قاراۋى قايعىلى جاعدايلارعا اكەلىپ سوعىپ جاتادى.

«شاتىرعا دا نازار اۋدارعان ءجون. نەگىزىنەن ءدال وسى شاتىردان ءورت شىعۋىنىڭ سەبەبى وتە كوپ. وندا تۇرمىستىق قوقىس، ەسكى زاتتار مەن كىتاپتار، جيھازدار ساقتالادى. ال مۇنىڭ بارىنە مۇرجا جاقىن تۇرادى. مۇرجادا جارىق بولسا كىشكەنتاي عانا ۇشقىن دا قىزىل جالىننىڭ شىعۋىنا جەتكىلىكتى»، - دەدى وبلىستىق ت ج د مەملەكەتتىك ءورت باقىلاۋ باسقارماسىنىڭ باستىعى نۇرجان ءومىرجانوۆ.

شىعىس قازاقستاندا پەش جاعىپ وتىرعان 114000-گە جۋىق ءۇي بار. الداعى كۇندەرى ايماقتا اۋا تەمپەراتۋراسى تاعى دا سۋىتادى دەپ كۇتىلۋدە. وسى رەتتە، قۇتقارۋشىلار تۇرعىندارعا ايازدى كۇندەرى پەشتى قالاي جاعۋ كەرەكتىگىن ءتۇسىندىردى:

- پەشتى كۇنىنە ءبىر رەت ەمەس، بىرنەشە رەت قىزدىرعان دۇرىس،

- پەش ەسىگىنىڭ الدىندا مىندەتتى تۇردە وت الدىنداعى مەتالل تاباق بولۋى ءتيىس،

- پەشتى بەنزينمەن، كەروسينمەن نەمەسە باسقا جانعىش سۇيىقتىقتارمەن جاقپاڭىز. ولاردى قولدانعان كەزدە جارىلىس بولۋى مۇمكىن،

- كۇلدى، شلاكتى، كومىردى جاناتىن قۇرىلىستاردان 15 مەتر قاشىقتىقتا ورنالاسقان ارنايى جەرگە قويۋ كەرەك،

- پەش جاعۋدى ۇيقىعا جاتار الدىندا كەمىندە 2 ساعات بۇرىن توقتاتۋ كەرەك.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى