بالقاش تا ارال سياقتى ەكولوگيالىق اپات ايماعىنا اينالۋى مۇمكىن - مينيسترلىك

«قولايسىز كليماتتىق جانە انتروپوگەندىك سۋ- رەسۋرس جاعدايىنىڭ دامۋى قازاقستاننىڭ باسقا دا ءبىرقاتار ترانسشەكارالىق وزەن باسسەيندەرىنە، ونىڭ ىشىندە ىلە- بالقاش ءوڭىرى مەن جايىق- كاسپيي باسسەينىنە ءقاۋىپ توندىرەدى. مامانداردىڭ باعالاۋىنشا، بالقاش كولى ارالعا ۇقساس ەكولوگيالىق اپات ايماعىنا اينالۋى مۇمكىن. كول دەڭگەيى تاۋ مۇزدىقتارىنىڭ تەز ەرۋى ارقىلى قورەكتەنەدى، ال قىتاي مۇناي ونەركاسىبىنىڭ قاجەتتىلىگى ءۇشىن ىلە وزەنىنەن الىناتىن سۋدى كوبەيتۋدى جوسپارلاپ وتىر. بۇدان باسقا، كولدىڭ اۋىر مەتالدارمەن جانە ونەركاسىپتىك كاسىپورىندار سۋلفيدتەرىمەن لاستانۋى جالعاسۋدا. سونداي- اق، ەرتىس وزەنى بويىنشا دا قاۋىپتى جاعداي قالىپتاسقان. قىتاي الداعى ۋاقىتتا سۋ الۋدى جىلىنا ءتورت- بەس تەكشە مەترگە دەيىن ۇلعايتادى، بۇعان سەبەپ - وسى اۋماقتاعى دەموگرافيالىق پروتسەستەر. ق ح ر قونىس اۋدارۋ باعدارلاماسىن پايدالانا وتىرىپ، وكرۋگ حالقىن 100 ميلليون ادامعا دەيىن جەتكىزۋدى جانە سۋارمالى جەرلەر اۋدانىن ۇلعايتۋدى جوسپارلاپ وتىر. ول ءۇشىن قىتاي قارا ەرتىستە گيدروتەحنيكالىق قۇرىلىستار سالىپ جاتىر»، - دەلىنگەن تۇجىرىمدامادا.

سونىمەن قاتار، قۇجاتتا 2030 -جىلعا قاراي ترانسشەكارالىق وزەندەردىڭ اعىنى شامامەن % 10-15- عا قىسقارۋى ىقتيمال ەكەنى جازىلعان.

ونى شەشۋ ءۇشىن ق ر سۋ كودەكسىن قابىلداپ، ول ارقىلى رەسۋرستاردى پايدالانۋدى رەتتەۋ ماسەلەسىن جەتىلدىرۋدى قولعا الماق.

سونىمەن قوسا، سۋدى ۇنەمدەۋ شارالارى قابىلدانىپ، جاڭا تەحنولوگيالاردى ەنگىزۋ مۇمكىندىكتەرى قاراستىرىلادى.

اۆتور

ءاليحان اسقار

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى