ق ر ۇلتتىق بانك ءتوراعاسى تەڭگەنىڭ ءجيى قۇبىلۋىنا قانداي احۋال اسەر ەتەتىنىن ايتتى
«2022 -جىلى گەوساياسي جاعدايدىڭ شيەلەنىسۋى جانە جاھاندىق قارجى نارىقتارىنداعى قولايسىز احۋال ۇلتتىق ۆاليۋتانىڭ ديناميكاسىنا تەرىس اسەر ەتتى. ناۋرىز ايىندا تەڭگە باعامى 512,17 تەڭگەگە دەيىن السىرەگەننەن كەيىن مامىر ايىندا 414,79 تەڭگەگە دەيىن نىعايدى. جىل قورىتىندىسى بويىنشا تەڭگە باعامى 1 دوللار ءۇشىن 462,66 تەڭگەگە دەيىن، ياعني 7,1 پايىزعا السىرەدى»، - دەدى عالىمجان ءپىرماتوۆ.
ونىڭ اتاپ وتۋىنشە، 2022 -جىلى كۆازيمەملەكەتتىك سەكتور سۋبەكتىلەرىنىڭ 5,1 ميلليارد دوللار مولشەرىندەگى ۆاليۋتالىق ءتۇسىمدى ساتۋى، رەسپۋبليكالىق بيۋدجەتكە ۇلتتىق قوردان ترانسفەرتتەردى قامتاماسىز ەتۋ ءۇشىن 4,3 ميلليارد دوللار مولشەرىندە ۆاليۋتا ساتۋ، ۇلتتىق بانكتىڭ 1,4 ميلليارد دوللار مولشەرىندەگى ۆاليۋتالىق ينتەرۆەنتسيالارى تەڭگەگە قولداۋ كورسەتتى.
«تەڭگەنىڭ قۇبىلمالىلىعى گەوساياسي جاعدايدىڭ وزگەرۋىنە، ىشكى قاتىسۋشىلاردىڭ كۇتۋلەرىنە جانە الەمدىك نارىقتاعى احۋالعا بايلانىستى بولادى. يكەمدى باعام بەلگىلەۋ ۆاليۋتا نارىعىنداعى جۇمىستىڭ تيىمدىلىگىن ارتتىرۋعا جانە حالىقارالىق رەزەرۆتەردى ساقتاۋعا ىقپال ەتەدى»، - دەدى ۇ ب ءتوراعاسى.
