تەڭگەدەگى دەپوزيتتەرگە وتەماقى الۋعا ءوتىنىش بەرۋ مەرزىمى ۇزارتىلدى
بۇل تۋرالى قازاقپارات قازاقستاننىڭ دەپوزيتتەرگە كەپىلدىك بەرۋ قورىنا سىلتەمە جاساپ حابارلايدى.
«بۇل تۋرالى ق ر ۇكىمەتىنىڭ ءتيىستى قاۋلىسىنا قول قويىلدى جانە ول رەسمي تۇردە العاشقى جاريالانعان كۇننەن كەيىن 10 كۇن وتكەن وتكەن سوڭ كۇشىنە ەنەدى. قۇجاتقا سايكەس بانكتەر سالىمشىلاردان وتىنىشتەردى 2023-جىلدىڭ 10- اقپانىنا دەيىن الۋدى جالعاستىرادى. وسىلايشا بۇعان دەيىن ءوتىنىش بەرىپ ۇلگەرمەگەن دەپوزيتورلار وتەماقى الۋ بويىنشا كەلىسىمىن راستاي الادى»، - دەلىنگەن حابارلامادا.
ەسكە سالساق، تەڭگەدەگى دەپوزيتتەرگە وتەماقى الۋعا ءوتىنىش بەرۋ 2023-جىلدىڭ 1- قاڭتارىندا اياقتالعان ەدى. سوڭعى مالىمەتتەر بويىنشا، بانكتەر 284 ميلليارد تەڭگەگە ءوتىنىم قابىلدادى، بۇل - تولەنەتىن وتەماقىنىڭ ىقتيمال سوماسىنىڭ %85.
وتەماقى تولەمدەرى 2023-جىلدىڭ 23- اقپانىنان كەيىن باستالادى. سونداي-اق، %10 وتەماقى الىنۋى مۇمكىن ەڭ جوعارى سوما - 20 ميلليون تەڭگە.
بۇگىن ۇكىمەت باسشىسى ءاليحان سمايىلوۆ جەكە تۇلعالاردىڭ ۇلتتىق ۆاليۋتادا ورنالاستىرىلعان دەپوزيتتەرى بويىنشا وتەماقى (سىيلىقاقى) تولەۋ قاعيدالارىن بەكىتەتىن قاۋلىعا قول قويدى.
