تەرروريزم مەن ەكسترەميزم بويىنشا سوتتالعاندارعا قولدانىلاتىن جازا وزگەرتىلەدى
بۇل تۋرالى «اشىق» ن ق ا پورتالىندا جاريالانعان «قر كەيبىر زاڭنامالىق اكتىلەرىنە قىلمىستىق، قىلمىستىق-پروتسەستىك جانە قىلمىستىق-اتقارۋ كودەكستەرىن وڭتايلاندىرۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» ق ر زاڭ جوباسىندا ايتىلعان، دەپ حابارلايدى قازاقپارات ءتىلشىسى.
«ادامداردىڭ قازا بولۋىنا اكەپ سوقپاعان جانە اسا اۋىر قىلمىس جاساۋمەن ۇشتاسپاعان تەرروريستىك نەمەسە ەكسترەميستىك قىلمىس ءۇشىن تاعايىندالعان باس بوستاندىعىنان ايىرۋدى وتەپ جاتقان ادامعا قىلمىسپەن كەلتىرىلگەن زالالدى تولىق وتەگەن نە جازانى وتەۋدىڭ بەلگىلەنگەن ءتارتىبىن قاساقانا بۇزباعان جاعدايدا، جازانىڭ وتەلمەگەن قالعان بولىگىن سوت جازانىڭ نەعۇرلىم جەڭىل تۇرىمەن الماستىرۋى مۇمكىن. بۇل رەتتە ادام ءومىر بويى تاعايىندالعانداردى قوسپاعاندا، قىلمىستىق-قۇقىقتىق ىقپال ەتۋ شارالارىنان تولىق نەمەسە ءىشىنارا بوساتىلۋى مۇمكىن»، - دەلىنگەن قۇجاتتا.
ەسكەرەتىنى - بۇل نورما ادام شىعىنى بولماعان تەرروريستىك نەمەسە ەكسترەميستىك قىلمىس جاساعان ايىپتالۋشى تەرگەۋگە جانە قىلمىستىق توپتارعا قاتىسۋشىلاردى اشكەرەلەۋگە بەلسەندى قاتىسقان جاعدايدا عانا قولدانىلادى.
