قوسپايەۆتىڭ قىلمىستىق توبى تۋرالى اقپارات بەرگەندەرگە سىياقى تاعايىندالدى

ەلدوس پەن ايدوس قوسپايەۆتار، ەرلان يماشيەۆ، رۋسلان شالين، وكسانا كۋدرياشوۆا، الەكسەي كۋزنەتسوۆ تەرگەۋدەن جاسىرىنىپ ءجۇر.

ەسكە سالا كەتەيىك، قىلمىستىق توپ ۇزاق ۋاقىت بويى كۇش قولدانۋ جانە قورقىتۋ ارقىلى الماتىلىق كاسىپكەرلەردىڭ مۇلكىن، سەرىكتەستىكتەردەگى ۇلەستەرىن تارتىپ الىپ، كولەڭكەلى كاسىپكەرلىكپەن اينالىسقان.

«رەيدەرلىك شابۋىلدار بويىنشا سوتقا دەيىنگى تەرگەۋ جانە ۇيىمداسقان قىلمىستىق توپقا قاتىسى بار ادامداردى انىقتاۋ جالعاسۋدا. ىزدەۋدەگى ادامداردىڭ قايدا بولۋى مۇمكىن ەكەندىگى تۋرالى اقپاراتى بار ادامداردى ق م ا سەنىم تەلەفونىنا حابارلاسۋدى سۇرايمىز»، - دەپ جازدى ۆەدومستۆودان.

اقپارات بەرگەن ادامدارعا سىياقى قاراستىرىلعان.

ايتا كەتەيىك، وسىعان دەيىن قوسپايەۆتىڭ قىلمىستىق توبى تۋرالى مالىمەتتەردى جاريالاعان بولاتىنبىز. ماسەلەن، 2019 -جىلعى 4- ناۋرىزدا الماتى قالاسىندا قوسپايەۆ ءوزىنىڭ سىبايلاستارىمەن بىرگە بيزنەستى دامىتۋعا 160 ميلليون تەڭگە سالعان «Azovita Aktay»ج ش س يەلەرىن ءوز ۇلەسىنىڭ % 40 - ىن ۇ ق ت- نىڭ بەلسەندى مۇشەسى يماشيەۆقا جازىپ بەرۋگە ءماجبۇر ەتتى. بۇرىنعى باسشىلاردى باسقارمادان شەتتەتىپ، ۇ ق ت مۇشەلەرى قۇجاتتاردى قولدان جاساۋ ارقىلى قالعان % 35 ۇلەستى يەلەنگەن. كومپانيا الكوگول ونىمدەرىن كوتەرمە ساتۋمەن اينالىسىپ، تۇراقتى تابىس تاپقان.

ال 2020 -جىلعى 30- شىلدەدە قوسپايەۆتىڭ قىلمىستىق توبى ءوز بيزنەسىنە 400 ميلليون تەڭگەدەن استام ينۆەستيتسيا سالعان «Azovita Aktay» ج ش س مەن «Azovita Atyray» ج ش س مەنشىك يەسىنىڭ ومىرىنە قاۋىپ ءتوندىرىپ، ۇ ق ت مۇشەلەرىنە كاسىپورىنداردىڭ جارعىلىق كاپيتالىنىڭ % 100 ۇلەسىن وتەۋسىز بەرۋگە كوندىرگەن.

فوتو: facebook.com/afm.rk

رەداكتور

اسحات رايقۇل

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى