برازيليادا بولسونارۋ جاقتاستارى پرەزيدەنت سارايى مەن كونگرەسس عيماراتىنا باسىپ كىردى
ولار سونداي- اق جوعارعى سوت عيماراتىنا جانە پرەزيدەنت سارايىنا كىرگەن. شابۋىل ءۇش ساعاتقا سوزىلدى، كەيىن ونىڭ قاتىسۋشىلارىن پوليتسيا ۇستاپ اكەتتى.
برازيليا پارلامەنتى مەن باسقا دا ۇكىمەتتىك عيماراتتارعا شابۋىل ەلدىڭ جاڭا پرەزيدەنتى لۋلا دا سيلۆانىڭ يناۋگۋراتسياسىنان كەيىن ءبىر اپتا وتكەن سوڭ جاسالدى.
بولسونارۋدىڭ جاقتاستارى ونىڭ سايلاۋداعى جەڭىلىسىن مويىنداۋدان باس تارتىپ وتىر.
قازىرگى تاڭدا جۇمىس ساپارىمەن سان- پاۋلۋ شتاتىندا جۇرگەن لۋيس يناسيۋ لۋلا دا سيلۆا بۇلىكشىلەردى «ۆانداليزم مەن فاشيزم ارەكەتىن» جاسادى دەپ مالىمدەدى. ونىڭ ايتۋىنشا، ەل تاريحىندا مۇنداي وقيعا بولماعان.
«ۆاندالدار سياقتى الدىنا كەزدەسكەننىڭ ءبارىن قيراتىپ جاتىر. قاۋىپسىزدىك ويداعىداي قامتاماسىز ەتىلمەدى دەپ ەسەپتەيمىز. مۇنى جاساعاننىڭ ءبارى جازاعا تارتىلادى»، - دەدى لۋلا.
ەسكە سالايىق، برازيليانىڭ سولشىلدار كوشباسشىسى لۋيس يناسيو «لۋلا» دا سيلۆا وتكەن سايلاۋدا قازىرگى پرەزيدەنت، «برازيليالىق ترامپ» اتانعان جاير بولسونارۋدى از عانا باسىمدىقپەن جەڭىپ، ءۇشىنشى رەت پرەزيدەنت بولعان ەدى.
فوتو: GETTY IMAGES
اۆتور
اقبوپە ءابدراسۋل
