قازاقستان، قىرعىزستان جانە وزبەكستان قامباراتا گيدروەلەكتر ستانساسىن بىرلەسىپ سالادى
6-قاڭتاردا بىشكەك قالاسىندا قازاقستان رەسپۋبليكاسىنىڭ ەنەرگەتيكا ءمينيسترى بولات اقشولاقوۆ، قىرعىز رەسپۋبليكاسىنىڭ ەنەرگەتيكا ءمينيسترى تاالايبەك يبرايەۆ جانە وزبەكستان رەسپۋبليكاسىنىڭ ەنەرگەتيكا ءمينيسترى جۋرابەك ميرزاماحمۋدوۆ «قامباراتا گەس-1 قۇرىلىسى» جوباسىن ىسكە اسىرۋ جونىندەگى جول كارتاسىنا قول قويدى.
جول كارتاسى شەڭبەرىندە تاراپتار جوبانى ىسكە اسىرۋدىڭ نەگىزگى شارتتارىن ۋاعدالاستى جانە ەلەكتر ستانتسياسىن ۋاقتىلى پايدالانۋعا بەرۋ ءۇشىن الداعى قادامداردى بەلگىلەدى.
قازاقستاننىڭ جوباعا قاتىسۋى قازاقستان پرەزيدەنتى قاسىم- جومارت توقايەۆتىڭ 2022 -جىلعى مامىردا قىرعىزستانعا رەسمي ساپارى بارىسىندا قول جەتكىزىلگەن ۋاعدالاستىق شەڭبەرىندە جۇزەگە اسادى.
قامباراتا گ ە س-1 قىرعىزستانداعى ەڭ ءىرى ەلەكتر ستانتسياسى بولماق.
بۇل ورتالىق ازيا ەلدەرىن ەلەكتر ەنەرگياسىمەن قامتاماسىز ەتۋگە جانە ءوڭىردىڭ سۋمەن قامتاماسىز ەتىلۋىن تۇراقتاندىرۋعا مۇمكىندىك بەرەدى.
