ەلگە كىرىپ-شىققاندارعا شەكتەۋ جوق، ونىڭ ىشىندە قىتايمەن شەكارا جابىلمايدى - باس سانيتار
ق ر باس مەملەكەتتىك سانيتاريا دارىگەرىنىڭ مالىمەتىنشە، قازاقستاندا كوروناۆيرۋس ينفەكسياسى بويىنشا ەپيدەميولوگيالىق جاعداي تۇراقتى.
قاراشا ايىنىڭ سوڭىنان باستاپ سىرقاتتانۋدىڭ ءوسىمى بايقالدى، جەلتوقسان ايىندا سىرقاتتانعانداردىڭ ورتاشا تاۋلىكتىك سانى ك ۆ ي+ 200 گە دەيىن جەتتى.
بولىنگەن شتامداردىڭ سوڭعى رەتتىلىگى رەسپۋبليكادا %100 جاعدايدا COVID-19 وميكرون نۇسقاسىنىڭ اينالىمى انىقتالعانىن كورسەتتى.
ەپيدەميولوگيالىق جاعدايدى باعالاۋ ماتريتساسىنا سايكەس رەسپۋبليكا جانە بارلىق وڭىرلەر جاسىل ايماقتا ورنالاسقان. رەسپۋبليكا بويىنشا جانە پاۆلودار وبلىسىن قوسپاعاندا، 19 وڭىردە ينفەكسيانىڭ تارالۋ كورسەتكىشى (R) بىرلىكتەن تومەن.
سونىمەن قاتار، ايجان ەسماعامبەتوۆا ۋاقتىلى ۆاكسينا الۋ جانە ريەۆاكسيناتسيا، حالىق كوپ جينالاتىن ورىندا بەتپەردە تاعۋ، ادام كوپ جينالاتىن ورىندارعا بارۋدى شەكتەۋ، قولدى وڭدەۋ ءۇشىن انتيسەپتيك نەمەسە دەزينفەكسيالىق مايلىق پايدالانۋدى ۇسىندى.
«ەلىمىزدە جانە الەمدە كوروناۆيرۋسپەن سىرقاتتانۋدىڭ وسۋىنە بايلانىستى قوسىمشا شەكتەۋ شارالارىن ەنگىزۋ تۋرالى ب ا ق- تىڭ كوپتەگەن سۇراۋلارىن ەسكەرە وتىرىپ، قازاقستاندا ەلگە كىرۋ كەزىندە دە، الەمنىڭ كەز كەلگەن ەلىنە، ونىڭ ىشىندە ق ح ر- عا شىعۋ كەزىندە دە قانداي دا ءبىر شەكتەۋ شارالارىن ەنگىزۋ جوسپارلانبايدى»، - دەپ اتاپ ءوتتى باس مەملەكەتتىك سانيتاريا دارىگەرى.
