التاي كولگىنوۆ ءوزى جايلى تاراعان اقپاراتتى جوققا شىعاردى
بۇگىن ق ر عىلىم جانە جوعارى ءبىلىم مينيسترلىگىنىڭ كەڭەيتىلگەن القا ماجىلىسىنەن كەيىن ب ا ق وكىلدەرى ۇكىمەت باسشىسىنىڭ ورىنباسارىنان: «ب ا ق- تا تاراعان مالىمەتكە سايكەس، ءسىز استانا قالاسىنىڭ اكىمى بولعاندا كوپبالالى انالارمەن ءبىر-اق رەت كەزدەسىپسىز. قازىر ءسىز پرەمەر-ءمينيستردىڭ ورىنباسارى بولدىڭىز، الەۋمەتتىك سالاعا جاۋاپ بەرەسىز. ەندى كوپبالالى انالاردىڭ ماسەلەسىن شەشۋگە ارنالعان ارنايى جوسپارىڭىز بار ما؟» دەپ سۇرادى.
«جالعان اقپارات تاراتپاڭىز. ءبىر-اق رەت كەزدەستى دەگەن اقپارات شىندىققا جاناسپايدى. مەن 3,5 جىلدىڭ ىشىندە جىل سايىن بىرنەشە مىڭ اداممەن كەزدەستىم. سىزگە اكىمشىلىكتەن ناقتى ساندى الىپ بەرەيىن. ەڭ باستىسى، ءبىز پرەزيدەنتتىڭ «حالىق ۇنىنە قۇلاق اساتىن مەملەكەت» تۇجىرىمداماسىن ايقىنداپ، ورىندادىق. اكىم بولعاندا كوپتەگەن قوردالانعان ماسەلەنى شەشتىك. بۇل ءبىر ادامنىڭ جۇمىسى ەمەس. ول - كوپتەگەن مەملەكەتتىك ورگاننىڭ، جەرگىلىكتى اتقارۋشى بيلىكتىڭ جۇمىسى»، - دەدى ۆيتسە-پرەمەر.
سونىمەن قاتار ول كوپبالالى انالارمەن كەزدەسىپ وتىراتىنىن اتاپ ءوتتى.
«ولارمەن ءارقاشان كەزدەسىپ وتىرامىز. قوعامنان ءبىر توپتىڭ مۇشەسىن بولۋگە بولمايدى دەپ سانايمىز. ءبىز بارىنە تەڭ قارايمىز. مۇقتاج ازاماتتار بولسا، مەملەكەت جانە جەرگىلىكتى اتقارۋشى ورگان، ورتالىق مەملەكەتتىك ورگان تارابى ءارقاشان كومەكتەسۋگە دايىن»، - دەدى ول.
