قازاق تىلىندەگى «اۆاتار: سۋ جولى» فيلمى قازاقستانداعى پروكات بويىنشا رەكورد ورناتتى

بۇل تۋرالى Disney ستۋدياسىنىڭ ت م د جانە قازاقستانداعى رەسمي ديستريبيۋتورى Meloman كومپانياسى ءبولىستى.

دجەيمس كەمەروننىڭ قازاق تىلىنە اۋدارىلعان فيلمى 69 ميلليون تەڭگەدەن اسا رەكورد سومانى جينادى. قازاق تىلىندەگى سەانستاردى بارلىعى 42 مىڭنان اسا كورەرمەن تاماشالادى.

Meloman كومپانياسى وكىلدەرىنىڭ ايتۋىنشا، كينونىڭ ءتىل ۇيرەنە باستاعان قازاقستاندىقتار ءۇشىن تاربيەلىك الەۋەتى دە زور.

«اۆاتار: سۋ جولى» - 2022 -جىلى قازاق تىلىنە اۋدارىلعان ديسنەيدىڭ ءۇشىنشى فيلمى. دۋبلياجدى شىعارمالارى ساۋاتتى ادەبي ستيلمەن ەرەكشەلەنەتىن Aray Media Group ستۋدياسى جاسادى. فيلمدەر - ءتىلدى تانىمال ەتۋدىڭ تاماشا ءتاسىلى. فيلمدەر سوزدىك قوردى بايىتۋعا، سونداي-اق، ءتۇرلى ءسوز تىركەس پەن ورنەكتى قولدانۋدىڭ ءمانماتىنىن تۇسىنۋگە مۇمكىندىك بەرەدى. بۇل فيلمدى ەكىنشى رەت ءبىلىم بەرۋ ماقساتىندا كورۋگە بولادى»، - دەيدى كومپانيا وكىلدەرى.

Meloman رەسمي مالىمەتىنشە، فيلمنىڭ ت م د ەلدەرىندەگى جالپى كاسسالىق الىمدارى 7,3 ميلليون دوللاردان (3,4 ميلليارد تەڭگەدەن استام) استى، بۇل «اۆاتار: سۋ جولى» پروكاتىنىڭ باستالۋىن ت م د تاريحىنداعى ەڭ ءساتتى ەتتى. تەك قازاقستانداعى كورەرمەن سانى ءبىر ميلليوننان استى. فيلم كاسساسى 4,1 ميلليون دوللاردان اساتىن Marvel-دىڭ «ورمەكشى ادام: ۇيگە قايتار جول جوق» جانە 3,9 ميلليون دوللاردان اساتىن «دوكتور سترەنج» فيلمدەرىن ارتتا قالدىردى.

«كەمەروننىڭ تۋىندىسى قازاقستاننىڭ پروكات تاريحىنداعى ەڭ كاسسالىق كوركەم جانە انيماتسيالىق فيلمدەر تىزىمىندە ءبىرىنشى ورىندا تۇر. كورەرمەندەر مەن باسپا ءسوز وكىلدەرى فيلمدى گولليۆۋدتىڭ ەڭ ماڭىزدى كارتينالارىنىڭ ءبىرى دەپ اتادى. بۇل - شىن مانىندە، بۇكىل سالا ءۇشىن تاريحي جانە مادەني كەزەڭ. ونىڭ ماڭىزدىلىعىن تولىق باعالاۋ ءۇشىن ەگجەي-تەگجەيلى تالداپ، بىرنەشە شولۋ جاساۋ كەرەك»، - دەدى كومپانيا وكىلدەرى.

ماسساگەت

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى