قازاقستان-قىتاي اراسىندا تەمىرجول جۇك تاسىمالى رەكوردتىق كورسەتكىشكە جەتتى

بۇل تۋرالى «قازاقستان تەمىر جولى» ۇ ك» ا ق باسپا ءسوز قىزمەتى مالىمدەدى، دەپ حابارلايدى قازاقپارات.

بۇل سان 2021-جىلمەن سالىستىرعاندا 15 پايىزعا كوپ. بۇل رەتتە قازاقستاندىق كاسىپورىنداردىڭ ەكسپورتتىق جونەلتىلىمدەرى: تەمىر كەنى (17+ پايىز)، ءتۇستى كەن (45+ پايىز)، قارا مەتالدار (6+ پايىز)، كونتەينەرلەردەگى استىق جۇكتەرى (70+ پايىز) جانە باسقا دا جۇكتەر (83+ پايىز) ونىمدەرىن تاسىمالداۋدىڭ ءوسۋى ەسەبىنەن 17 پايىزعا ۇلعايدى.

«جوعارى كورسەتكىشتەرگە ەكى ەل تەمىرجولشىلارىنىڭ ۇيلەسىمدى جۇمىسى ەسەبىنەن قول جەتكىزىلدى. «ق ت ج» ۇ ك» ا ق مەن قىتاي تەمىر جول اكىمشىلىكتەرى بىرلەسىپ پويىزداردى كەدەرگىسىز قابىلداي بەرۋدى، وتكەلدەردىڭ قۋاتىن ءتيىمدى پايدالانۋدى قامتاماسىز ەتۋ بويىنشا جۇمىس جۇرگىزدى. الماتى جۇك تاسىمالداۋ بولىمشەسىنىڭ، دوستىق جانە التىنكول ستانسيالارىنىڭ تەمىرجولشىلارى جۇكتەردى قابىلداۋ-تاپسىرۋ بويىنشا جۇمىستى ناقتى جانە ۋاقتىلى ۇيىمداستىرا الاتىندىعىن كورسەتتى»، - دەپ جازدى ۆەدومستۆودان.

قىتاي باعىتىندا جۇكتەردى تاسىمالداۋعا سۇرانىستىڭ ارتۋىن ەسكەرە وتىرىپ، تەمىرجول ينفراقۇرىلىمىن جەدەل دامىتۋ بويىنشا شارالار قابىلدانۋدا.

وتاندىق ءونىمدى ۇزدىكسىز تاسىمالداۋدى قامتاماسىز ەتۋ جانە ەلدىڭ ترانزيتتىك الەۋەتىن دامىتۋ ءۇشىن وتكەن جىلدىڭ قاراشا ايىندا دوستىق-مويىنتى ۋچاسكەسىندە ەكىنشى جولداردىڭ قۇرىلىسى باستالدى. جوبانى ىسكە اسىرعاننان كەيىن ۋچاسكەنىڭ وتكىزۋ قابىلەتى 5 ەسەگە (جۇك پويىزدارىنىڭ 12 جۇبىنان تاۋلىگىنە 60 جۇپقا دەيىن) ارتادى. قازىرگى ۋاقىتتا اياگوز-باقتى ءۇشىنشى تەمىرجول شەكارا وتكەلىن سالۋ بويىنشا تەحنيكالىق-ەكونوميكالىق نەگىزدەمە ازىرلەنۋدە.

وسى ءىرى ينفراقۇرىلىمدىق جوبالاردى ىسكە اسىرۋ قازاقستان ەكونوميكاسىنىڭ دامۋىنا سەرپىن بەرەدى جانە ەلدەر اراسىنداعى جۇك اعىنىن ارتتىرۋعا قىزمەت ەتەدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى