قاڭتار وقيعاسى كەزىندە باس كەسۋ وقيعالارى بولعان جوق - باس پروكۋرور

«قاڭتار وقيعاسى كەزىندە قاسكويلەر ادامنىڭ باسىن كەسىپ الدى دەگەن قاۋەسەت بولدى. مۇنداي فاكتى شىنىمەن تىركەلدى مە؟» دەپ سۇرادى جۋرناليستەر ءماجىلىس كۋلۋارىندا.

«قاڭتار وقيعاسى باستالعاندا ءارتۇرلى اقپارات، ىشىندە جالعان حابارلار دا بولدى. بارلىعى قاڭتاردىڭ 4 ىنەن 5 ىنە قاراعان ءتۇنى باستالدى. ەلەستەتىپ كورىڭىزشى، ءبىر ۋاقىتتا 8 قالاعا شابۋىل جاسالدى، كوپتەگەن نىساندار، اكىمدىكتەر ورتەندى. ءتۇرلى اقپارات كوزدەرىنەن ءتۇرلى حابارلامالار، دەزينفورماتسيالار بولدى. سوندىقتان باس كەسۋ تۋرالى اقپاراتتى تەكسەردىك جانە بۇل حابار راستالمادى»، - دەدى بەرىك اسىلوۆ.

بۇعان دەيىن باس پروكۋرور تارتىپسىزدىككە قاتىسقانداردى توقتاتۋعا قۇقىق قورعاۋ كۇشىنىڭ مۇمكىندىگى بولماعانىن، قالالىق اكىمدىكتەگى ورتتە ءبىر وفيتسەردىڭ تىرىدەي جانىپ كەتكەنىن ايتقان ەدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى