قازاقستاندا ءبىر جىلدا ازىق-تۇلىك باعاسى قانشا پايىزعا قىمباتتادى
ازىق-تۇلىك اراسىندا كوكونىس باعاسى ايتارلىقتاي وسكەن، جەلتوقساندا قيار 35,6 پايىز، قىزاناق 14,6 پايىز، ءتاتتى بۇرىش 8,4 پايىز، پياز 7,9 پايىز، قىزىلشا 3,8 پايىز قىمباتتادى.
قۇمشەكەر 3,8 پايىز، ليمون 0,9 پايىز ارزاندادى.
ازىق-تۇلىككە جاتپايتىن تاۋارلاردىڭ ىشىندە جەلتوقسان ايىندا تەحنيكا باعاسى ايتارلىقتاي جوعارىلاعان.
ماسەلەن، 2022-جىلعى قاراشامەن سالىستىرعاندا سىمسىز قۇلاققاپتار - 7,7 پايىز، پلانشەت - 6,3 پايىز، ەلەكترلى جىلىتقىشتار - 6,1 پايىز، نوۋتبۋك - 3,7 پايىز قىمباتتادى.
ىدىس جۋۋعا ارنالعان قۇرالداردىڭ باعاسى 4,5 پايىز، كىر جۋعىش ۇنتاقتىكى 4 پايىز ءوستى.
وتكەن ايدا اقىلى قىزمەتتەردىڭ باعاسى 0,5 پايىز ءوستى. تۋريستەردىڭ مەديتسينالىق ساقتاندىرۋ قىزمەتى 7,3 پايىز، كولىك جۋۋ قىزمەتى 3,8 پايىز قىمباتتادى.
كوممۋنالدىق قىزمەتتەر بويىنشا تاريفتەردىڭ تومەندەۋى ورتالىقتان جىلىتۋ (1 گكال) مەن ىستىق سۋعا (1م3) بايقالدى - ءارقايسىسى 0,4 پايىزدان.
وڭىرلەر اراسىندا ەڭ جوعارى ايلىق ينفلياتسيا قوستاناي جانە جامبىل وبلىستارىندا تىركەلدى - ءارقايسىسىندا 1,9 پايىزدان (رەسپۋبليكالىق ورتاشا دەڭگەيدەن 0,7 پ. ت. جوعارى)، ەڭ تومەنى شىمكەنت قالاسى مەن ماڭعىستاۋ وبلىسىندا - ءارقايسىسىندا 0,7 پايىزدان.
وڭىرلەر بولىنىسىندە ازىق- تۇلىك تاۋارلارى قوستاناي جانە جامبىل وبلىستارىندا ەڭ كوپ ءوستى - 2,5 پايىزدان، ازىق-تۇلىككە جاتپايتىن تاۋارلار قوستاناي وبلىسىندا - 2,2 پايىز، اقىلى قىزمەتتەر جەتىسۋ وبلىسىندا - 1,7 پايىز.
2022-جىلعى جەلتوقساندا جىلدىق ماندە ينفلياتسيا دەڭگەيى 20,3 پايىز قۇرادى.
ازىق-تۇلىك تاۋارلارىنىڭ باعاسى 25,3 پايىزعا، ازىق-تۇلىككە جاتپايتىن تاۋارلار 19,4 پايىزعا، اقىلى قىزمەتتەر 14,1 پايىزعا ءوستى.
2021-جىلعى جەلتوقسانمەن سالىستىرعاندا شاقپاق قانت 92,7 پايىز، كىر سابىن 87,6 پايىزعا، كەڭسە تاۋارلارى 70,3 پايىز قىمباتتادى.
كەرىسىنشە، جىلدىق ماندە سۇيىتىلعان گاز (باللونداردا) - 23 پايىزعا، قىرىققابات 15,2 پايىزعا ارزاندادى.
2022-جىلعى قاڭتاردان باستاپ تۇتىنۋ باعاسىنىڭ يندەكسىن جاساۋ كەزىندە ازىق-تۇلىك تاۋارلارىنىڭ ۇلەسى 40,7 پايىز، ازىق-تۇلىككە جاتپايتىن تاۋارلاردىڭ ۇلەسى 30,2 پايىز، اقىلى قىزمەتتەردىكى 29,1 پايىز قۇرايدى.
