ەۋروپادا تابيعي گاز باعاسى ارزاندادى

بۇل تۋرالى قازاقپارات DW News اگەنتتىگىنە سىلتەمە جاساپ حابارلايدى.

دۇيسەنبى، 2- قاڭتار كۇنى نيدەرلاندىق گازدىڭ TTF كەلىسىم-شارت بويىنشا باعاسى 70,30 مەگاۆاتت/ساع- تان باستالدى.

ەۋروپالىق گاز سوڭعى رەت 2022-جىلدىڭ اقپانىندا رەسەيدىڭ ۋكرايناعا قارسى سوعىسى باستالماي تۇرىپ ارزان ساتىلعان.

ءبىراز ۋاقىتتان كەيىن TTF بويىنشا باعا 73 ەۋروعا دەيىن ءوستى. جالپى، جەلتوقسان ايىنىڭ باسىنان باعا ورتا ەسەپپەن ەكى ەسەگە ارزانداعان.

رەكوردتىق باعا وتكەن جازدا تىركەلدى (مەگاۆاتت/ساع ءۇشىن 345 ەۋرو). بۇعان رەسەيدەن كەلەتىن كوگىلدىر وتىننىڭ توقتاۋى سەبەپ بولدى.

ەۋروپادا قازىرگى جىلى اۋا رايى جاعدايىندا گاز تۇتىنۋ ازايىپ كەلەدى.

جاڭا جىلعا قاراي گەرمانيادا اۋا تەمپەراتۋراسى كەي جەرلەردە 20 گرادۋستان دا جوعارى كوتەرىلدى.

نەمىس مەتەوقىزمەتى ەلدە جاڭا جىل الدىنداعى ەڭ جىلى كۇن رايىن تىركەپ، ونى ۇنەمى باقىلاپ وتىردى.

ەۋروپا ەلدەرىندە تابيعي گاز باعاسىنىڭ تومەندەۋىنە سوڭعى ۋاقىتتا جەل ەلەكتروستانسالارى ارقىلى كوبىرەك ەنەرگيا وندىرىلەتىنى دە اسەر ەتتى.

گەرمانياداعى گاز قويمالارى قازىرگى ۋاقىتتا 90 پايىزدان استام (90,12 پايىز) تولى. ال گاز قورى ون ءبىرىنشى كۇن قاتارىنان ارتىپ كەلەدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى