اس سوداسىنىڭ جارامدىلىق مەرزىمى بار ما؟
الايدا كەيدە ۋاقىت وتە ول ءوز كۇشىن جوعالتادى، سونىڭ سەبەبىنەن ءسىزدىڭ پىسىرمەڭىز دۇرىس شىقپاۋى مۇمكىن. مىسالى: تورتىڭىز كوتەرىلمەي قالادى. ەندەشە، ۇيىڭىزدە تۇرعان اس سوداسىنىڭ تيىمدىلىگىن قالاي تەكسەرۋگە بولادى؟
اس سوداسىن پىسىرمەلەرگە قوپسىتقىش رەتىندە، جەمىستەر مەن كوكونىستەردىڭ سىرتىن جۋۋعا جانە ءۇي تازالاۋعا ارنالعان ەكولوگيالىق قۇرال رەتىندە پايدالانۋعا بولادى.
اس سوداسى سىركە سۋى، ليمون قىشقىلى سەكىلدى قىشقىل ينگرەديەنتتەرمەن اسەرگە ءتۇسىپ، كومىرقىشقىل گازىن تۇزەدى. ول ناندى جانە سۇيىق قامىردى كوتەرەدى. اس سوداسىنىڭ تەحنيكالىق تۇردە جارامدىلىق مەرزىمى بولماسا، ونىڭ تيىمدىلىگىن قالاي تەكسەرۋگە بولادى؟
اس سوداسى اشىلماعان كۇيدە ءوز قاسيەتتەرىن 2-3 جىل بويى ساقتايدى. ال اشىلعان اس سوداسى اۋزى جاقسى جابىلعان ىدىستا 6 ايدان اسا ۋاقىت ساقتالۋى مۇمكىن. اس سوداسىن سالقىنداۋ جانە قۇرعاق جەردە ساقتاۋ ۇسىنىلادى. اس سوداسىنىڭ باستى جاۋى - ىلعال، سوندىقتان ونى توڭازىتقىشتا ساقتاۋعا بولمايدى.
ەگەر اس سوداسىنىڭ ۇيىڭىزدە قاشاننان بەرى تۇرعانىن بىلمەسەڭىز، ونىڭ تيىمدىلىگىن انىقتاۋعا كومەكتەسەتىن مىنا قاراپايىم تەستتى جاساپ كورىڭىز. شاعىن ىدىسقا ½ شاي قاسىق اس سوداسىن سالىڭىز. وعان شامامەن ½ شاي قاسىق سىركە سۋىن نەمەسە جاڭا سىعىلعان ليمون سۋىن قۇيىڭىز. سودان سوڭ رەاكتسيانى باقىلاڭىز. قىشقىل مەن ۇنتاق ينگرەديەنت بىردەن رەاكتسيا بەرۋى كەرەك. ەگەر قوسپا قاتتى پىشىلداپ، كوبىكتەنىپ جاتسا، اس سوداسى جارامدى. ەگەر ول باياۋ پىشىلداسا نەمەسە مۇلدەم پىشىلداماسا، اس سوداسىن لاقتىرىپ تاستاي بەرىڭىز.
