مۇرات اۋەزوۆ سەكسەن جاسقا تولدى

«اتامۇرا» باسپا كورپوراتسياسىنىڭ پرەزيدەنتى راحىمعالي قۇل-مۇحاممەد Facebook پاراقشاسىندا مۇرات اۋەزوۆتى قۇتتىقتادى.

«بۇگىن قازاقتىڭ زاڭعار جازۋشىسى مۇحتار اۋەزوۆتىڭ ۇلى، بەلگىلى شىعىستانۋشى، تۇركىتانۋشى، مادەنيەتتانۋشى عالىم، تاماشا ەسسەيست، قازاق ديپلوماتياسىنىڭ قايراتكەرى مۇرات اۋەزوۆ 80 جاسقا تولىپ وتىر. وسىعان وراي ىرىمشىل حالىقتىڭ بالاسى رەتىندە قويان جىلىنىڭ العاشقى كۇنىن اۋەزوۆتەر شاڭىراعىنا بارىپ، مۇرات اعانى مەرەيتويىمەن قۇتتىقتاۋدان باستادىم» - دەپ جازدى راحىمعالي قۇل-مۇحاممەد.

مۇرات مۇحتار ۇلى اۋەزوۆ 1943 -جىلى قاڭتار ايىنىڭ 1-جۇلدىزىندا جامبىل وبلىسىنىڭ مەركى كەنتىندە دۇنيەگە كەلگەن.

عالىم م. ۆ. لومونوسوۆ اتىنداعى ماسكەۋ مەملەكەتتىك ۋنيۆەرسيتەتىنىڭ شىعىس تىلدەرى ينستيتۋتىن «قىتاي فيلولوگياسى» ماماندىعى بويىنشا ءبىتىردى. ك س ر و عىلىم اكادەمياسىنىڭ الەم ادەبيەتى ينستيتۋتىندا ادەبيەت تەورياسى بويىنشا فيلولوگيا عىلىمدارىنىڭ كانديداتى دارەجەسى ءۇشىن ديسسەرتاتسيا قورعادى. قازاقستان جۋرناليستيكا اكادەمياسىنىڭ تولىق مۇشەسى.

مۇرات اۋەزوۆ «قازاق فيلم» كينوستۋدياسىندا باس رەداكتور (1981-1987)، قازاقستان جازۋشىلار وداعىنىڭ كوركەم اۋدارما جانە ادەبي ءوزارا بايلانىستار جونىندەگى القاسىنىڭ باسشىسى (1988-1990) ، قازاقستانداعى «مير» تەلەراديوكومپانياسىنىڭ كوركەمدىك جەتەكشىسى (1990)، قازاق كسر جوعارعى كەڭەسىنىڭ دەپۋتاتى بولىپ سايلانىپ، كەڭەس پرەزيديۋمىنىڭ مۇشەسى، پارلامەنتارالىق بايلانىستار جونىندەگى كوميتەتتىڭ ءتوراعاسى (1990)، قازاقستان رەسپۋبليكاسى ۇلتتىق كىتاپحاناسىنىڭ ديرەكتورى (2003-2006) سەكىلدى جوعارى قىزمەتتەردى اتقاردى.

مۇرات مۇحتار ۇلىنىڭ «ۆرەمەن سۆيازۋيۋشايا نيت»، «يپپوكرەنا. حوجدەنيە ك كولودتسام ۆرەمەن» ەڭبەكتەرى بار.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى