بالالار ءولىمى: وزبەكستان پرەزيدەنتى فارماتسيەۆتيكا اگەنتتىگىنىڭ باسشىسىن جۇمىسىنان بوساتتى

بۇل تۋرالى مەملەكەت باسشىسىنىڭ باسپا ءسوز حاتشىسى شەرزود اسادوۆ ءمالىم ەتتى، دەپ حابارلايدى قازاقپارات gazeta.uz سايتىنا سىلتەمە جاساپ.

«بالالار ءولىمى سالا جاعدايىن، باقىلاۋ جوقتىعىن كورسەتتى. بارلىق جاۋاپتى تۇلعالار زاڭ الدىندا جاۋاپ بەرەدى»، - دەپ مالىمدەدى پرەزيدەنت.

جۇما كۇنى وتكەن وتىرىستا پرەزيدەنت «دوك-1 ماكس» ءدارىسىن قابىلداعان بالالاردىڭ ولىمىنە قاتىستى جاعدايدى قاتتى سىنعا العان.

ەسكە سالايىق، وزبەكستان تۇماۋ مەن سۋىق تيۋگە قارسى ۇندىلىك «دوك-1 ماكس» پرەپاراتىن ساتۋعا ۋاقىتشا تىيىم سالىندى. اتالعان ءدارى سامارقان وبلىسىندا قايتىس بولعان 18 بالانىڭ ولىمىنە سەبەپكەر بولۋى مۇمكىن.

وزبەكستاننىڭ مەملەكەتتىك قاۋىپسىزدىك قىزمەتى (م ق ق) وسى وقيعاعا قاتىستى قىلمىستىق ءىس قوزعاعان بولاتىن.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى