استانا قالاسىندا جەڭىل اتلەتيكادان حالىقارالىق جارىس وتەدى

بۇل جونىندە ەلىمىزدىڭ جەڭىل اتلەتيكا فەدەراتسياسى حابارلادى.

اتالعان جارىس جابىق كەشەندە وتكىزىلەتىن جەڭىل اتلەتيكا ءتۋرنيرىنىڭ بەدەلىن كوتەرۋ ماقساتىندا قولعا الىنعان. ول جەڭىل اتلەتيكا جارىستارىنا ارنالعان «گاۋھار ليگا» ۇلگىسىندە وتكىزىلەدى. بۇل سەريا بۇرىنعى «iAAF Indoor Permit Meetings» سەرياسىن اۋىستىردى.

وتكەن جىلدان باستاپ تۋرنيردە جارىستىڭ التىن، كۇمىس جانە قولا دەڭگەيى ەنگىزىلدى. «Astana Meeting» ءتۋرنيرى جارىستىڭ كۇمىس مارتەبەسىنە يە بولىپ وتىر.

ءدۇبىرلى دوداعا الەمنىڭ كوپتەگەن ەلدەرىنەن 100 گە جۋىق سپورتشى قاتىسادى دەپ كۇتىلۋدە. ولار جەڭىل اتلەتيكانىڭ 12 تۇرىنەن سىنعا تۇسەدى.

جارىستىڭ ءاربىر ءتۇرى بويىنشا جۇلدە قورى - 4000 ا ق ش دوللارى.

اتالعان جارىس وتاندىق جەڭىل اتلەتيكانىڭ بەدەلىن حالىقارالىق دەڭگەيگە كوتەرۋگە ىقپالىن تيگىزەدى. ول سپورتشىلار اراسىنداعى باسەكەلەستىكتى ارتتىرادى.

تۋرنير استانا قالاسىنداعى «Qazaqstan» جەڭىل اتلەتيكالىق سپورت كەشەنىندە 23-قاڭتاردا وتكىزىلەدى.

ەسكە سالساق قازاقستان تەننيس قۇراماسى United Cup كوماندالىق تۋرنيرىنە قاتىسىپ جاتىر.

فوتو: qazathletics.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى