دينارا ءسادۋاقاسوۆا: قازاقستاندىقتاردىڭ ءۇمىتىن اقتاۋ - ۇلكەن جاۋاپكەرشىلىك

«مەن ءۇشىن بۇل - ۇلكەن مارتەبە. وسىنداي قۇتتىقتاۋلاردى، سونداي- اق جىلى لەبىزدەر مەن تىلەكتەردى العانىما وتە ريزا بولدىم. پرەزيدەنتكە قازاق سپورتشىلارىنىڭ ەرەن ەڭبەگىنە نازار اۋدارعانى ءۇشىن ۇلكەن العىس ايتقىم كەلەدى. كىمگە بولسا دا بۇل ۇلكەن ىنتالاندىرۋ مەن موتيۆاتسيا بەرەدى. ونىڭ ۇستىنە، قازاقستاندىقتاردىڭ ءۇمىتىن اقتاۋ، جاڭا بەلەستەردى باعىندىرۋ - ۇلكەن جاۋاپكەرشىلىك» ، - دەپ جازدى ول.

سونىمەن قاتار شاحماتشى سپورتشىلاردىڭ جەتىستىكتەرىنە نازار اۋدارۋدىڭ وسكەلەڭ ۇرپاققا ۇلكەن اسەر ەتەتىنىن ايتتى.

«مۇنداي ماراپات جاس شاحماتشىلارعا دا اسەر ەتەدى. مەنىڭ شاحمات اكادەميامدا مىڭداعان ءتۇرلى ورتادان شىققان بالالار ءبىلىم الىپ ءجۇر. ءقازىردىڭ وزىندە ولار ماعان مەسسەندجەرلەردە جانە الەۋمەتتىك جەلىلەردە حابارلامالار جىبەرىپ، مەنىڭ وسىنداي قۇتتىقتاۋ العانىما قانشالىقتى قۋانىشتى ەكەندەرىن جازىپ جاتىر. سونداي- اق جاقىن ارادا وزدەرى دە سول سەكىلدى ۇلكەن جەتىستىكتەرگە جەتەتىندەرىن ايتادى. ءدال سولاي بولاتىنىنا مەن دە سەنىمدىمى. كوپ راحمەت» - دەپ اتاپ ءوتتى شاحماتشى.

ەسكە سالساق، الماتى قالاسىندا شاحماتتان ءوتىپ جاتقان الەم چەمپيوناتىندا قازاقستاندىق دينارا ءسادۋاقاسوۆا راپيدتەن كۇمىس جۇلدەگەر اتاندى. وسى جەڭىسىمەن دينارانى مەملەكەت باسشىسى قاسىم- جومارت توقايەۆ قۇتتىقتادى. كەيىن دينارا ءسادۋاقاسوۆا ءوزىنىڭ جەڭىسى تۋرالى پىكىر ءبىلدىردى.

اتالعان تۋرنير ءۇش كۇن بويى - 26-28 -جەلتوقسان ارالىعىندا الماتىدا ءوتتى. وعان قىتاي، ءۇندىستان، رەسەي جانە تاعى باسقا شاحماتتى ءداستۇرلى تۇردە دامىتقان، سپورتشىلارى مىقتى ەلدەردىڭ اتىنان شىققان الەمنىڭ ۇزدىك ويىنشىلارى قاتىستى.

فوتو: facebook.com/dinara.saduakassova

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى