قاراعاندىلىقتاردى باسپانا، اۆتوبۋس جانە جول ماسەلەسى ەرەكشە الاڭداتادى
ەكى ساعاتتان استام ۋاقىتقا سوزىلعان جيىندا قاراعاندىلىقتار كوپ سۇراق قويدى، ولارعا ءتيىستى ۆەدومستۆو باسشىلارى بىردەن جاۋاپ بەرىپ وتىردى.
تۇرعىندار تاراپىنان بىرنەشە جىل بۇرىن اۋلالاردا پايدا بولعان ساپاسىز ويىن الاڭدارىنا شاعىم ءتۇستى.
ولاردى ورناتۋمەن اينالىسقان سەلسوق مەردىگەردى سوتقا بەرىلىپ، جاۋاپقا تارتىلدى.
ەندى اۋلالاردى اباتتاندىرۋ بارىسىندا ساپاعا كوبىرەك كوڭىل بولىنەدى.
2023 -جىلى قاراعاندىدا 33 اۋلا اۋماعىن رەتكە كەلتىرۋ جوسپارلانعان. 50 بالالار ويىن الاڭىن، 12 فۋتبول الاڭىن، ءتورت باسكەتبول الاڭىن جانە ەكى امبەباپ كورت ورناتۋعا قاراجات بولىنەدى.
جاقىندا مايقۇدىقتا اشىلعان №14-مەكتەپتىڭ اينالاسىن جارىقتاندىرۋ كوزدەلگەن.
قاراعاندى اكىمىنىڭ م. ا. مەيرام كوجۋحوۆتىڭ ايتۋىنشا، كەلەسى جىلى وسى اۋداندى اباتتاندىرۋ قاراستىرىلعان. ازىرگە كەشكى ۋاقىتتا پاترۋل سانى ارتادى.
«جەلىدە اۆتوبۋس از، كەيبىر شالعاي اۋدانداردان جەتۋ مۇمكىن ەمەس» دەپ شاعىمداندى جۇرتشىلىق.
قاراعاندى اۆتوبۋس پاركىن جاڭارتۋ جانە كەڭەيتۋ جۇمىسى تۇراقتى ءجۇرىپ جاتىر.
كەشە عانا QazTehna ساران زاۋىتى سەگىز اۆتوبۋستى «تاكسوكومبينات-1» ج ش س-نە بەردى. ولاردى № 7 جانە 1-مارشرۋتتارعا جىبەرۋ جوسپارلانۋدا.
«№3-اۆتوپارك مايقۇدىق قالالىق مارشرۋتتارىنا تارتىلعان 50 جاڭا اۆتوبۋس الدى. №5-اۆتوپاركپەن 2023 -جىلدىڭ ءبىرىنشى جارتىجىلدىعىندا جەتكىزىلەتىن 50 اۆتوبۋس ساتىپ الۋعا شارت جاسالدى. «تاكسوكومبينات» تاسىمالداۋشىسى قاڭتار-اقپان ايلارىندا 32 جاڭا اۆتوبۋستىڭ جەتكىزىلۋىن كۇتىپ وتىر»، - دەدى مەيرام كوجۋحوۆ.
سونداي-اق، جاڭا جىلدا ۇزىندىعى 45,2 ك م 25 اۆتوجولدى ورتاشا جوندەۋ جانە 110 مىڭ شارشى مەتر جولدى اعىمداعى جوندەۋ كوزدەلگەن.
پيچۋگين كوشەسىندەگى جول توسەمى كۇردەلى جوندەۋدەن وتەدى. كۇنگەي ش/ا، رابوچي، ساحالين، جبي كەنتتەرىندە ۇزىندىعى 20 ك م جولدى قىرىپ، تەگىستەۋ جوسپارلانىپ وتىر.
نوسەرلى كارىز جەلىلەرىن تازالاۋ جانە جوندەۋ جالعاسادى.
ءوڭىر باسشىسى وتىنىشتەردى مۇقيات تىڭداپ، باسقارما باسشىلارىنا بارلىق ماسەلەنى پىسىقتاۋدى تاپسىردى.
2023 -جىلى ت ك ش سالاسىنا، ونىڭ ىشىندە جىلۋ ەلەكتر ستانسيالارىنىڭ جاعدايىنا كوپ كوڭىل بولىنەدى.
«قىس ءبىزدىڭ وسال تۇستارىمىزدى كورسەتتى، ولاردى شۇعىل تۇردە جويۋ كەرەك. ءبىز جىلۋ، سۋ، ەلەكتر جانە گازبەن جابدىقتاۋ سەكىلدى ماسەلەلەردى شەشۋگە تىرىسامىز. جول جوندەۋ، اۋلالار مەن قوعامدىق اۋماقتاردى اباتتاندىرۋ جالعاسادى»، - دەپ اتاپ ءوتتى وبلىس اكىمى.
كەزدەسۋ سوڭىندا ەرماعانبەت بولەكپايەۆ ازاماتتاردى جەكە ماسەلەلەرى بويىنشا قابىلدادى.
