پاۆلودار قالاسىنىڭ اكىمى بولىپ ەرجان يمانزايپوۆ تاعايىندالدى
پاۆلودار وبلىسى اكىمىنىڭ باسپا ءسوز قىزمەتىنىڭ مالىمدەۋىنشە، 2021 -جىلدان بەرى ەرجان يمانزايپوۆ پاۆلودار قالاسى اكىمىنىڭ اپپارات باسشىسى قىزمەتىن اتقاردى.
كانديداتۋرا ق ر پرەزيدەنتى اكىمشىلىگىمەن كەلىسىلىپ، قالا ءماسليحاتى دەپۋتاتتارىمەن ماقۇلداندى. اسايىن بايحانوۆ جاڭا باسشىنىڭ جۇمىسىنا ساتتىلىك تىلەدى.
- وبلىس ورتالىعىنا اكىم بولۋ - اۋىر ءارى جاۋاپتى مىندەت. حالىقپەن تىعىز بايلانىس جاساۋ كەرەك. مەملەكەتتىك ورگاندار مەن كوممۋنالدىق ۇيىمداردىڭ جۇمىسىن بايلانىستىرا وتىرىپ، تۇرعىنداردىڭ ءوتىنىشى ۋاقىتىلى ورىندالۋى ءتيىس. قالانىڭ ودان ءارى دامۋى باستى نازاردا بولادى. سوندىقتان قىزمەتىڭىز بەرەكەلى بولسىن. ساتتىلىك، - دەدى اسايىن بايحانوۆ.
ەرجان بەيبىت ۇلى يمانزايپوۆ 1984 -جىلى تۋعان، ەكى جوعارى ءبىلىمى بار. 2006 -جىلى س. تورايعىروۆ اتىنداعى پاۆلودار مەملەكەتتىك ۋنيۆەرسيتەتىن ونەركاسىپتىك جىلۋەنەرگەتيكا ماماندىعى بويىنشا، 2010 -جىلى - الماتى ەكونوميكا جانە ستاتيستيكا اكادەمياسىن قارجى ماماندىعى بويىنشا اياقتاعان.
ەڭبەك قىزمەتىن 2006 -جىلدىڭ ناۋرىزىندا پاۆلودار قالاسى «پاۆلودارەنەرگو» اكسيونەرلىك قوعامىنىڭ ماشينيست-قاراۋشىسى بولىپ باستادى.
«پاۆلودار قالاسىنىڭ تۇرعىن ءۇي-كوممۋنالدىق شارۋاشىلىق، جولاۋشىلار كولىگى جانە اۆتوموبيل جولدارى ءبولىمى» مەملەكەتتىك مەكەمەسىندە تۇرعىندارمەن جۇمىس جونىندەگى ءبولىمنىڭ باس مامانى؛ قازاقستان رەسپۋبليكاسى يندۋستريا جانە ساۋدا مينيسترلىگى قۇرىلىس ىستەرى جانە تۇرعىن ءۇي- كوممۋنالدىق شارۋاشىلىق كوميتەتىنىڭ جەتەكشى مامانى بولىپ ىستەدى.
2007 -جىلدىڭ ناۋرىزىنان باستاپ 2014 -جىلدىڭ ساۋىرىنە دەيىن قازاقستان رەسپۋبليكاسى تابيعي مونوپوليالاردى رەتتەۋ اگەنتتىگىنىڭ قۇرىلىمدىق بولىمشەلەرىندە جەتەكشى مامان لاۋازىمىنان دەپارتامەنت ديرەكتورىنىڭ ورىنباسارى لاۋازىمىنا دەيىن قىزمەت ەتتى.
2014 - 2017 -جىلدارى پاۆلودار جانە ەكىباستۇز قالالارى اكىمىنىڭ ورىنباسارى؛
2017 - 2019 -جىلدارى پاۆلودار وبلىسىنىڭ ەنەرگەتيكا جانە تۇرعىن ءۇي-كوممۋنالدىق شارۋاشىلىق باسقارماسىنىڭ باسشىسى؛
2019 - 2020 -جىلدارى ەكىباستۇز قالاسىنىڭ اكىمى.
مەملەكەتتىك قىزمەت ءوتىلى 15 جىلدان اسادى.
