فۋتبول: «تاراز» الداعى جىلى ءبىرىنشى ليگادا وينايدى

بۇل جونىندە كوماندانىڭ باسپا ءسوز قىزمەتى ءمالىم ەتتى.

باسپا ءسوز قىزمەتىنىڭ حابارلاۋىنشا، كلۋب بازاسىندا وبلىستىق دەنە شىنىقتىرۋ جانە سپورت باسقارماسىنىڭ باسشىسى مەن كوماندا ويىنشىلارى، كلۋب وكىلدەرىنىڭ كەزدەسۋى وتكەن.

«باسقارما باسشىسى وبلىستىق اكىمدىك تاراپىنان جاعداي جاسالسا دا، كلۋب سوڭعى ۋاقىتتا ءبىرقاتار قارجىلىق قيىندىقتى باستان وتكىزگەنىن تىلگە تيەك ەتتى. كوماندانىڭ ويىنشىلار الدىندا قارىزى بار. سوندىقتان قازاقستان فۋتبول فەدەراتسياسى كلۋبقا جاڭا ويىنشىلار الۋعا تىيىم سالدى. پرەمەر-ليگانىڭ كەلەسى ماۋسىمىنا قاتىسۋ بويىنشا لەتسەنزيالاۋدا ماسەلەلەر تۋىندادى. مۇنداي جاعدايدا كوماندانىڭ ەلىمىزدىڭ جوعارى بىرىنشىلىگىندە ويناۋى مۇمكىن ەمەس. وسىعان بايلانىستى فەدەراتسيا «تاراز» فۋتبول كلۋبىن ءبىرىنشى ليگاعا جىبەرۋ تۋرالى شەشىم قابىلدادى»، - دەپ جازىلعان حابارلامادا.

كوماندا جوعارى ليگاعا قايتا ورالۋعا كۇش سالادى. جاقىن ارادا قارىزدار وتەلىپ، قارجىلىق جاعدايدى تۇزەۋگە ءمان بەرىلەدى. كلۋبتىڭ ۇلتتىق قۇراما مەن نەگىزگى كومانداعا جاس فۋتبولشىلاردى تاربيەلەۋ ءىسىن جالعاستىرادى. سونداي-اق، بالالار مەن جاس وسپىرىمدەر فۋتبولىن ودان ءارى دامىتۋ تۇجىرىمداماسى ساقتالادى.

ەسكە سالساق، بۇدان بۇرىن «قايسار» كومانداسىنا جاڭا باس باپكەر تاعايىندالدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى