پاريج وليمپياداسىنا دايىندىق: ەل سپورتشىلارىنا زاماناۋي جابدىقتار بەرىلدى
بۇل تۋرالى قازاقپارات ءتىلشىسى مادەنيەت جانە سپورت مينيسترلىگىنىڭ باسپا ءسوز قىزمەتىنە سىلتەمە جاساپ حابارلايدى.
ۆەدومستۆو دەرەگىنشە، پاريج وليميپياداسىنا دايىندىق اياسىندا ارنايى باعدارلاما ازىرلەنگەن. وعان ساي، سپوتشىلارعا زاماناۋي جابدىقتار ساتىپ الۋعا قوسىمشا قاراجات بولىنگەن.
«2023 -جىل - وليمپياداعا دەيىنگى، ۇلتتىق قۇراما كوماندالاردى دايارلاۋ تۇرعىسىنان ەڭ ماڭىزدى جىل. ءىرى جارىستاردا جەڭىسكە جەتۋ ءۇشىن، ەڭ الدىمەن ەرىك- جىگەر، تاباندىلىق، سپورتتىق رۋھ پەن ءتارتىپ قاجەت ەكەنى انىق. ءبىراق، ينفراقۇرىلىمنىڭ اتقاراتىن ءرولىن ەستەن شىعارماعان ءجون. سوندىقتان، ءتيىستى جاعدايلاردى جاساۋ ءۇشىن ءبىز جابدىقتاردى جاڭارتۋ جانە ساتىپ الۋ جۇمىستارىن جۇرگىزدىك. ەندى سوڭعى ناتيجە تولىعىمەن سپورتشىعا بايلانىستى»، - دەدى مادەنيەت جانە سپورت ءمينيسترى داۋرەن ابايەۆ.
سپورتشىلارعا 28 جازعى جانە قىسقى وليمپيادالىق جانە 3 پاراليمپيادالىق سپورت تۇرلەرى بويىنشا جابدىقتار بەرىلدى.
«بۇگىندە كاسىبي سپورتشىلار تەحنولوگيامەن قامتاماسىز ەتىلىپ وتىر. بۇل جەردە جاتتىعۋ پروتسەسى، جارىستار مەن دەمالىس تۋرالى ايتۋعا بولادى. دەگەنمەن، پروگرەسس سونشالىقتى تەز بولعاندىقتان، جىل سايىن ءارتۇرلى جابدىقتار مەن جاتتىعۋ قۇرالدارىنىڭ جەتىلدىرىلگەن مودەلدەرى پايدا بولادى. سوندىقتان، قازاقستاندىق سپورتشىلارعا مۇنىڭ ءبارى قولجەتىمدى ەكەنى قۋانتادى»، - دەپ اتاپ ءوتتى شورت- ترەكتەن حالىقارالىق دارەجەدەگى سپورت شەبەرى دەنيس نيكيشا.
ەسكە سالايىق، تاياۋدا مينيستر داۋرەن ابايەۆ فەدەراتسيا باسشىلارىمەن كەزدەسىپ، 2024 -جىلى پاريجدە وتەتىن وليپيادادا جوعارى ناتيجەگە قول جەتكىزۋ ءۇشىن ءبىرقاتار تاپسىرما بەرگەن بولاتىن.
