استانادا جاڭاجىلدىق وتشاشۋدى قاي جەردەن تاماشالاۋعا بولادى

29-جەلتوقسان كۇنى تۇستەن كەيىن «جاستار» تەاترىندا «زولۋشكا» ەرتەگىسى ساحنالاناتىن جاڭاجىلدىق ەرتەڭگىلىك ۇيىمداستىرىلادى.

28-30-جەلتوقسان كۇندەرى قۋىرشاقتار تەاترى «جاڭا جىل» قۋىرشاق شوۋىن ۇسىنادى.

29-جەلتوقسان، ساعات 11:00 جانە 15:00-دە مەملەكەتتىك اكادەميالىق فيلارمونيادا «قوياندار» اتتى جاڭاجىلدىق شوۋ- سپەكتاكل وتەدى.

29-جەلتوقسان، ساعات 10:00, 12:30 جانە 15:00-دە، سونداي-اق 30-جەلتوقساندا ساعات 12:30-دا «جاستار» سارايى «قوياندى كىم ۇرلاپ كەتتى؟» اتتى جاڭاجىلدىق ەرتەڭگىلىكتەرىن، سول سياقتى وقۋشىلارعا ارنالعان ديسكوتەكا ۇيىمداستىرادى.

29-جەلتوقسان، ساعات 11:00-دە ساكەن سەيفۋللين مۇراجايى №80 مەكتەپ وقۋشىلارىمەن كەزدەسۋ وتكىزەدى.

29-جەلتوقسان، ساعات 19:00-دە «QAZAQSTAN» ورتالىق كونسەرت زالىندا Neprosto orchestra كونسەرتىن تاماشالاۋعا بولادى. ءدال وسى ۋاقىتتا «استانا وپەرا» مەملەكەتتىك وپەرا جانە بالەت تەاترى بالنۇر قىدىربەكتىڭ «قالقامان-مامىر» وپەرا-بالەت پرەمەراسىنا شاقىرادى.

29، 30 جانە 31-جەلتوقسان كۇندەرى ساعات 19:00-دە «استانا بالەت» تەاترىندا پەتر چايكوۆسكيدىڭ «شەلكۋنچيك» قويىلىمى كورسەتىلەدى.

31-جەلتوقسانداساعات 11:00 جانە 13:00-دە مۋزىكالىق جاس كورەرمەن تەاترىنىڭ ساحناسىندا ۋفيمتسيەۆتىڭ «شەلكۋنچيك» ەرتەگىسىنىڭ پرەمەراسى وتەدى.

31-جەلتوقسان، ساعات 12:00-دەن 16:00-گە دەيىن «جاڭا جىل - جاڭا جول» كونسەرتى ەلوردانىڭ بارلىق اۋدانىنىڭ ەلدى مەكەندەرىندە، ناقتىراق ايتقاندا كيرپيچنىي، ءوندىرىس، كوكتال، ۇركەر، ينتەرناتسيونالنىي ەلدى مەكەندەرىندە ۇيىمداستىرىلادى.

31-جەلتوقسان، ساعات 22:00 - 3:00 ارالىعىندا قالانىڭ ورتالىق الاڭىندا، «ەكسپو» كورمە ورتالىعىنىڭ جانىنداعى الاڭدا، «قازاق ەلى» مونۋمەنتىنىڭ جانىندا كەشكى مەرەكەلىك كونتسەرت وتەدى.

31-جەلتوقسان، ساعات 00:00-دە مەرەكەلىك وتشاشۋدى تاماشالاۋعا بولادى. اكىمدىك مالىمەتىنشە، ول دەمەۋشىلەر قاراجاتى ەسەبىنەن ۇيىمداستىرىلادى. ەكى جەردەن اتىلاتىن فەيەرۆەركتى تاماشالاۋعا بولاتىن ورىندار: ەسىل وزەنىنىڭ جاعاسىنداعى كەنەسارى حان ەسكەرتكىشى ماڭى، بوتانيكالىق باق، قابانباي باتىر مەن بۇقار جىراۋ داڭعىلدارىنىڭ قيىلىسى اۋماعى. ساليۋت بيىكتىگى: تومەنگى 70 مەتر، ورتاشا 120 مەتر، جوعارعىسى 180-210 مەتر. بارلىعى 3,5 مىڭ وق اتىلادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى