شىرشانى ورناتۋ مەن بەزەندىرۋدە قاۋىپسىزدىك ەرەجەلەرىن ەسكەرۋ قاجەت – ت ج د

وسى ورايدا، قالالىق توتەنشە جاعدايلار دەپارتامەنتىنەن شىرشانى ورناتۋ مەن بەزەندىرۋدەگى قاۋىپسىزدىك ەرەجەلەرى ەسكەرتىلدى، دەپ حابارلايدى قازاقپارات ءتىلشىسى.

شىرشالار مەن ولاردىڭ اشەكەيلەرىن ورناتۋ كەزىندە ءورت قاۋىپسىزدىگىن ساقتاۋ ماقساتىندا ءبىرقاتار ەرەجەنى ەسكەرۋ قاجەت.

«ءبىرىنشى، اعاشتار ورنىقتى نەگىزگە ورناتىلىپ، ءۇي-جايدان شىعۋعا توسقاۋىل بولماۋى كەرەك.

ەكىنشى، شىرشانىڭ بۇتاقتارى قابىرعا مەن توبەدەن كەم دەگەندە 1 مەتر قاشىقتىقتا ورنالاسۋى قاجەت.

ءۇشىنشى، ترانسفورماتورسىز ەلەكتر جەلىسىن پايدالانعان كەزدە كەرنەۋى 12 ۆولتكە دەيىنگى شامداردى قولدانىڭىز. شامداردىڭ رۇقسات ەتىلگەن قۋاتى 25 ۆاتتان اسپاۋى كەرەك؛

ءتورتىنشى، ەگەر جارىقتاندىرۋ كەزىندە اقاۋلىق انىقتالسا (سىمداردىڭ قىزۋى نەمەسە ۇشقىن شىعارۋ)، وندا گيرلياندىنى دەرەۋ ەلەكتر جەلىسىنەن اجىراتىڭىز.

بەسىنشى، زاقىمدانعان نەمەسە بۇلىنگەن، ءورت تۋدىرۋى مۇمكىن ەلەكتر جەلىلەرىن پايدالانباڭىز»، - دەلىنگەن دەپارتامەنتتىڭ باسپا ءسوز قىزمەتى تاراتقان مالىمدەمەدە.

ايتا كەتسەك، الماتىدا 25-جەلتوقساننان باستاپ توتەنشە جاعدايلار دەپارتامەنتى مەن پوليتسيا قىزمەتكەرلەرى پيروتەحنيكالىق بۇيىمدار ساتىلاتىن ورىنداردا رەيد جۇرگىزىپ جاتىر. پيروتەحنيكالىق بۇيىمداردى وتكىزۋ قاعيدالارىن بۇزعان 23 ادامعا اكىمشىلىك شارا قابىلداندى. ق ر زاڭناماسىنىڭ تالاپتارىنا ساي كەلمەيتىن 262 جيىنتىق (200 ك گ استام) پيروتەحنيكالىق بۇيىم تاركىلەندى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى