ۇلتتىق بانك «ساق ستيلىندەگى» مونەتالار شىعارادى

ولار قۇب ينتەرنەت-دۇكەنى ارقىلى ساتىلادى، دەپ حابارلايدى قازاقپارات.

مونەتالاردى ساتۋ كۇنى تۋرالى اقپارات قۇب رەسمي سايتىندا قوسىمشا ورنالاستىرىلادى.

«ساقتاردىڭ ستيلى» كادەسىي بليستەر جيىنتىعىندا نومينالى 100 تەڭگەلىك، ماسساسى

6,45 گرام، ديامەترى 24,5 م م بولاتىن brilliant uncirculated دايىنداۋ ساپاسىمەن نيبراسس/نەيزيلبەر قورىتپاسىنان جاسالعان بيكولورلى اينالىمداعى مونەتالاردىڭ بەس ءتۇرى بار. جاڭا جيىنتىق 30000 دانا تارالىممەن شىعادى.

1. «بۇعى». جالاۋلى قويماسى. جەتىسۋ (ءبىزدىڭ داۋىرىمىزگە دەيىنگى V- III ع ع.). كوشپەندىلەردىڭ دۇنيەتانىمىندا بۇعى تومەنگى جانە جوعارعى الەمدى بايلانىستىراتىن نىشانعا اينالدى

2. «قاناتتى بارىس». ەسىك قورعانى (ءبىزدىڭ داۋىرىمىزگە دەيىنگى IV- III ع. سوڭى). قار بارىسى - ەرلىك پەن بايلىقتىڭ سيمۆولى.

3. «ماسكا». شىلىكتى. شىعىس قازاقستان (ءبىزدىڭ داۋىرىمىزگە دەيىنگى VIII- VII ع ع.) وندا وتباسى - وشاق قاسىن قورعايتىن ءۇش كەسكىننىڭ بەينەسى: مىسىق تەكتەس جىرتقىش، ەكى ارقار جانە ۇشاتىن قۇس ماسكاسى كورسەتىلگەن.

4. «بۇعى تۇرىندەگى التىن اشەكەي» ، جالاۋلى، جەتىسۋ (ءبىزدىڭ داۋىرىمىزگە دەيىنگى V- III ع ع.). قىزىل بۇعى بەينەسى - مولشىلىق پەن ۇرپاق جالعاسىنىڭ سيمۆولى.

5. «بۇكتەتىلگەن بارىس». تالدى-2. ورتالىق قازاقستان ء(بىزدىڭ داۋىرىمىزگە دەيىنگى VII ع.). بۇكتەتىلگەن بارىس فيگۋراسىنداعى ساقينا ءپىشىنى - ۋاقىتتىڭ اۋىسىمدىق جانە سىرتقى الەممەن ۇيلەسىمدىلىكتىڭ بەلگىسى.

كادەسىي بليستەر جيىنتىعىنداعى «ساقتاردىڭ ءستيلى» مونەتالارى - زاڭدى تولەم قۇرالى جانە ولار تولەمنىڭ بارلىق ءتۇرى بويىنشا قابىلدانۋعا مىندەتتى. ياعني، تاۋار العاندا جانە بەلگىلى ءبىر قىزمەت ءۇشىن تولەم قۇرالى رەتىندە پايدالانۋعا بولادى. سونىمەن قاتار بۇل مونەتالار قازاقستان رەسپۋبليكاسىنىڭ بارلىق بانكىندە بانك شوتتارىنا ەسەپكە الۋ جانە اۋدارۋ ءۇشىن قابىلدانۋى، ۇساقتالۋى جانە ايىرباستالۋى ءتيىس.

كادەسىي بليستەر جيىنتىعىنداعى «ساقتاردىڭ ءستيلى» مونەتالارى قازاقستان تەڭگە سارايىندا دايىندالدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى