اتىراۋداعى پوليپروپيلەن زاۋىتىنا جوسپاردان تىس تەكسەرۋ جۇرگىزىلەدى
اتىراۋ وبلىستىق مەملەكەتتىك ەڭبەك ينسپەكتسياسى باسقارماسىنىڭ مالىمەتىنە سۇيەنسەك، «Kazakhstan Petrochemical Industries Inc» (KPI) ج ش س زاۋىتىنىڭ قىزمەتكەرلەرىنەن كاسىپورىندا جاپپاي قىسقارتۋلار بولىپ جاتقانى جايلى شاعىم تۇسكەن. قىزمەتكەرلەردىڭ ايتۋىنشا، جۇمىس بەرۋشى قولدانىستاعى زاڭنامانى بۇزىپ، ولاردى الداعى ۋاقىتتا جۇمىستان بوساتاتىنى تۋرالى مالىمدەگەن.
«ءبىزدىڭ باسقارماعا «Kazakhstan Petrochemical Industries Inc» (ك ر ى) ج ش س زاۋىتى قىزمەتكەرلەرىنەن تۇسكەن وتىنىشتەر نەگىزىندە جوسپاردان تىس تەكسەرۋ جۇرگىزىلەدى. تەكسەرۋ بارىسىندا مەملەكەتتىك ينسپەكتورلار ءوز قۇزىرەتى اياسىندا ارىزدانۋشىلاردىڭ بارلىق دالەلىن زەردەلەيدى. تەكسەرۋ اياقتالعاننان كەيىن ناتيجەلەرى تۋرالى قوسىمشا حابارلانادى»، - دەپ اقپارات تاراتتى وبلىستىق باسقارمادان.
بۇعان دەيىن الەۋمەتتىك جەلىدە «KPI» ج ش س- دا قىزمەتكەرلەردى جاپپاي جۇمىستان بوساتىپ جاتقانى جازىلعان بولاتىن..
ايتا كەتەيىك، بۇل كەشەن قۇرىلىسىنا 4300 ادام جۇمىسقا تارتىلعان. ول تولىق ىسكە قوسىلعاندا 631 ادام تۇراقتى جۇمىسپەن قامتىلادى. «تەڭىز» كەن ورنىندا وندىرىلەتىن شيكىزاتتى وڭدەۋگە باعىتتالعان كاسىپورىن جىلىنا 500 مىڭ توننا پوليپروپيلەن شىعارا الادى.
