سولتۇستىك قازاقستاندا «شوشقا» جانە «گونكونگ» تۇماۋى تىركەلدى

س ق و سانيتاريالىق- ەپيدەميولوگيالىق باقىلاۋ دەپارتامەنتىنىڭ باسشىسى اسەت جۇماتايەۆتىڭ ايتۋىنشا، وڭىردە جرۆي بويىنشا ەپيدەميولوگيالىق جاعداي سىرقاتتانۋشىلىقتىڭ ماۋسىمدىق وسۋىمەن سيپاتتالادى. ەپيدەميولوگيالىق ماۋسىم باستالعان 1-قازاننان بەرى اۋىرعانداردىڭ %65 ى - 14 جاسقا دەيىنگى بالالار.

وبلىس اۋماعىندا تۇماۋ ورشىگەن. وڭىردە ۆ ءتيپتى تۇماۋدىڭ زەرتحانالىق راستالعان 244 جاعدايى تىركەلدى. 8 ادام «شوشقا» تۇماۋىن جۇقتىرسا، جاقىندا «گونكونگ» ءتيپتى اتانعان تۇماۋدىڭ 3 جاعدايى انىقتالدى.

«سيمپتومدارى دا، ەمدەۋ جولدارى دا بىردەي. بۇرىندارى تۇماۋ قاڭتار- اقپان ايلارىندا، ياعني جاڭا جىلدان كەيىن تىركەلەتىن. بيىل ەرتە باستالدى. وتباسىمەن اۋىرىپ جاتقاندار بار. ويتكەنى، تۇماۋ بولسىن، جەدەل- رەسپيراتورلىق ۆيرۋستىق ينفەكتسيا بولسىن اۋا تامشىلارى ارقىلى، تۇرمىستىق زاتپەن تارالادى. سوندىقتان، ءبىر بولمەدە، ءبىر پاتەردە تۇرعاندىقتان جۇقتىرماۋ مۇمكىن ەمەس»، - دەيدى اسەت جۇماتايەۆ.

اۋىرعانداردىڭ 49 ى جۇكتى ايەل بولسا، 78 ءى بالا، سونىڭ ىشىندە 44 وقۋشى جانە 8 بالاباقشا تاربيەلەنۋشىسى بار. تۇماۋدى جۇقتىرعانداردىڭ جارتىسىنا جۋىعى - پەتروپاۆل تۇرعىندارى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى