پارلامەنت«استانا» قارجى ورتالىعىنا قاتىستى زاڭ قابىلدادى
زاڭ جوباسىنىڭ ماقساتى - سوتتاردىڭ قىزمەتىن ءارى سوت سالاسىنداعى اكىمشىلەندىرۋدى جەتىلدىرۋ، مەملەكەتتىك ەلتاڭبانى پايدالانۋ ءتارتىبىن تولىقتىرۋ، سونداي- اق قارجى سالاسىنداعى يننوۆاتسيالاردى دامىتۋ ءۇشىن ەلدىڭ نەگىزگى پلاتفورماسى رەتىندە «استانا» حالىقارالىق قارجى ورتالىعىنىڭ جىلدام دامۋىن قامتاماسىز ەتۋ جانە ونىڭ يۋريسديكتسياسىن ينۆەستيتسيالار تارتۋ ءۇشىن پايدالانۋ.
ءماجىلىس دەپۋتاتى ەكاتەرينا سمىشليايەۆانىڭ ايتۋىنشا، بۇل وزگەرىستەر ءماجىلىس ماقۇلداعان زاڭ جوباسىنىڭ كونتسەپتسياسىن وزگەرتپەيدى.
وسى ورايدا ول اتالعان كونستيتۋتسيالىق زاڭنىڭ جوباسىنا سەنات ەنگىزگەن وزگەرىستەرمەن كەلىسۋدى ۇسىندى.
ءوز كەزەگىندە ءماجىلىس دەپۋتاتتارى سەنات ۇسىنعان تۇزەتۋلەردى قولداۋ تۋرالى شەشىم قابىلدادى.
ەسكە سالا كەتەيىك، 26-جەلتوقساندا سەنات «قازاقستان رەسپۋبليكاسىنىڭ كەيبىر كونستيتۋتسيالىق زاڭدارىنا وزگەرىستەر مەن تولىقتىرۋلار ەنگىزۋ تۋرالى» زاڭ جوباسىن قارادى. قۇجاتقا تۇزەتۋلەر ەنگىزىلگەندىكتەن، زاڭ جوباسى ماجىلىسكە قايتارىلدى.
بۇل قۇجاتقا سوت جۇيەسىنىڭ جانە «استانا» حالىقارالىق قارجى ورتالىعىنىڭ قىزمەتىنە بايلانىستى وزگەرتۋلەر ەنگىزۋدى ۇسىندى.
زاڭ جوباسىن تالقىلاۋ بارىسىندا قۇجاتقا ا ح ق و ورگاندارىنىڭ وكىلەتتىكتەرىنە، «قازاقستان رەسپۋبليكاسىنىڭ سوت جۇيەسى مەن سۋديالارىنىڭ مارتەبەسى تۋرالى» كونستيتۋتسيالىق زاڭنىڭ جەكەلەگەن نورمالارىن قولدانىسقا ەنگىزۋ مەرزىمدەرىنە، سونداي- اق قولدانىسقا ەنگىزۋ مەرزىمدەرىن تسيفرلىق اكتيۆتەر سالاسىنداعى زاڭ جوبالارىنىڭ نورمالارىمەن ۇندەستىرۋگە قاتىسى بار كەيبىر ەرەجەلەرگە قاتىستى وزگەرىستەر مەن تولىقتىرۋ ەنگىزۋ قاجەت ەكەنى ايتىلدى.
