كوكونىس القاپتارى وسسە دە، باعا تۇسكەن جوق - مينيستر تۇسىنىكتەمە بەردى
«بيىل ەلىمىزدە جىلىجاي كوكونىستەرى كوبىرەك ءوندىرىلدى، ياعني قىزاناق پەن قياردىڭ كولەمى ارتتى. وسى كوكونىستەردىڭ كوتەرمە باعاسى نەگىزىنەن 500-600 تەڭگەدەن اسپايدى، بۇل كاسىپورىندار بەرەتىن باعا. كەيىن ساۋدا جەلىلەرىندە بۇعان ۇستەمە قوسىلادى، سونداي- اق دەلدالدار دە كوبەيىپ كەتكەن. بۇل باعىتتا ۇكىمەت ءتيىستى جۇمىستى اتقارىپ جاتىر. وسى ورايدا دەلدالداردى شەتتەتۋ جۇمىستارى ەسكەرىلگەن. جىل سايىن كوكونىس وسىرەتىن القاپتار ۇلعايىپ كەلەدى»، - دەدى ە. قاراشوكەيەۆ ماجىلىستەگى باسپا ءسوز ءماسليحاتىندا تىلشىلەر سۇراعىنا جاۋاپ بەرە وتىرىپ.
وسى ورايدا ول نە سەبەپتى كەيبىر كوكونىس تۇرلەرىنىڭ باعاسى ەسەلەپ وسكەنىن ءتۇسىندىردى.
«ساۋدا جەلىلەرىن ارالاعان كەزدە، ولاردىڭ كەيبىرەۋىندە باعانىڭ ەسەلەپ وسكەنىن بايقادىق. بۇل تۇرعىدا ەكى ماسەلەنى ەسكەرۋ كەرەك. بىرىنشىدەن، بىزگە شەكارالاس مەملەكەتتەردەن كەلەتىن يمپورتتىق قىزاناقتار بار. بۇل ءونىم ەلىمىزگە جەتكىزىلگەندە، دەلدالدار پايدا بولادى. ال ەلىمىزدە وسىرىلگەن ءونىمنىڭ باعاسى كوبىنە 500-600 تەڭگە. بۇل جەردە ساۋدا مينيسترلىگىمەن بىرگە، سونداي- اق باقىلاۋشى جەرگىلىكتى اتقارۋشى ورگاندارمەن بىرگە وسى ۇستەمە باعانى باقىلاۋ قاجەت»، - دەدى مينيستر.
