ەرلان قوشانوۆ ەلباسى تۋرالى زاڭنىڭ كۇشىن جويۋعا قاتىستى قۇجات قاشان قابىلداناتىنىن ايتتى
بۇل تۋرالى ءماجىلىس ءتوراعاسى ەرلان قوشانوۆ ايتتى، دەپ حابارلايدى قازاقپارات ءتىلشىسى.
ە. قوشانوۆ اتالعان زاڭنىڭ كۇشىن جويۋ ماسەلەسى پارلامەنتتە 2023 -جىلدىڭ باسىندا قارالاتىنىن ايتتى.
«بۇل كونستيتۋتسيالىق زاڭ بولعاندىقتان، بۇل قۇجات پارلامەنت پالاتالارىنىڭ بىرلەسكەن وتىرىسىندا قارالادى. سوندىقتان قاڭتار ايىندا بىرلەسكەن وتىرىسى ءوتىپ، بۇل ماسەلە قارالادى. اتالعان زاڭ تولىق كۇشىن جويادى»، - دەدى ەرلان قوشانوۆ ءماجىلىستىڭ جالپى وتىرىسىنان كەيىن تىلشىلەر سۇراعىنا جاۋاپ بەرە وتىرىپ.
بۇگىن پارلامەنت ەلباسى تۋرالى زاڭنىڭ كۇشىن جويۋعا قاتىستى قۇجاتتى قاراۋعا قابىلدادى.
ەسكە سالساق، جىل باسىندا سەنات مەملەكەتتىك باستامالاردى ەلباسىمەن كەلىسۋ قاجەتتىلىگىن جويۋدى ۇسىندى.
سونىمەن قاتار 2-اقپاندا پارلامەنت ەلباسى تۋرالى زاڭعا تۇزەتۋدى قابىلدادى.
ق ر ادىلەت ءمينيسترى قانات مۋسين تۇڭعىش پرەزيدەنت تۋرالى زاڭعا تۇسىنىكتەمە بەردى.
