قارۋلى كۇشتەردە پسيحولوگ ماماندار جەتكىلىكتى مە

بۇل تۋرالى سەنات دەپۋتاتتارىنىڭ ساۋالىنا ق ر پرەمەر-ءمينيسترى ءاليحان سمايىلوۆتىڭ جاۋابىندا ايتىلعان، دەپ حابارلايدى قازاقپارات ءتىلشىسى.

«قازىرگى ۋاقىتتا قارۋلى كۇشتەردە 295 پسيحولوگ لاۋازىمى كوزدەلگەن. ونىڭ ىشىندە اسكەري باسقارۋ ورگاندارىندا – 20، جەرگىلىكتى اسكەري باسقارۋ ورگاندارىندا – 40، اسكەري بولىمدەردە – 188، مەكەمەلەردە – 12، اسكەري وقۋ ورىندارىندا - 35. بۇل 400 ادامعا ءبىر پسيحولوگتان كەلەتىن جالپى الەمدىك ورتاشا كورسەتكىشتەن اسپايدى»، - دەلىنگەن ۇكىمەت باسشىسىنىڭ جاۋابىندا.

ونىڭ اتاپ وتۋىنشە، اسكەري پسيحولوگتاردىڭ بار شتاتى جەكە قۇرامنىڭ پسيحولوگيالىق توزىمدىلىگىن ساقتاۋ جانە جاۋىنگەرلىك (وقۋ- جاتتىعۋ جاۋىنگەرلىك) مىندەتتەردى ورىنداۋعا ءازىر بولۋىن قامتاماسىز ەتۋ بويىنشا ءتيىستى جۇمىس جۇرگىزۋگە مۇمكىندىك بەرەدى.

«اسكەري پسيحولوگتاردى قايتا دايارلاۋ جانە ولاردىڭ بىلىكتىلىگىن ارتتىرۋ اسكەري قىزمەت ەرەكشەلىگىن ەسكەرە وتىرىپ، قازاقستان رەسپۋبليكاسىنىڭ جانە رەسەي فەدەراتسياسىنىڭ جوعارى وقۋ ورىندارىندا جۇزەگە اسىرىلادى»، - دەدى ءاليحان سمايىلوۆ.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى