كورەيانىڭ سوتتالعان ەكس-پرەزيدەنتى راقىمشىلىققا ىلىكتى
بۇرىنعى پرەزيدەنت لي مەن باك راقىمشىلىققا ىلىكتى. ونىمەن بىرگە 1372 ادام بوساتىلادى. بۇل ەلدىڭ بەلگىلى ساياساتكەرلەرى مەن قوعام قايراتكەرلەرى. كورەيادا امنيستيا ءبىر جىلدا ەكى رەت جاريالانادى.
15- تامىز - ەلدى ازات ەتۋ مەرەكەسى كەزىندە جانە جاڭا جىل قارساڭىندا. بۇرىنعى مەملەكەت باسشىسى لي ءبىر جىل بۇرىن مۋن چجە ين پرەزيدەنتى لاۋازىمنىڭ سوڭعى كۇندەرىندە بوساتىلۋى مۇمكىن ەدى. ءبىراق ول تەك بۇرىنعى مەملەكەت باسشىسى پاك كىن حەنى بوساتىپ جىبەردى. ەلدىڭ قازىرگى كوشباسشىسى يۋن سوك يەل لي مەن باك پەن ءبىر پارتيانىڭ مۇشەسى. سول سەبەپتەن شىعار يۋن 17 جىلعا سوتتالعان ليدى كەشىردى.
حان دون حۋن، وڭتۇستىك كورەيانىڭ ادىلەت ءمينيسترى:
- كەڭ ۇلتتىق بىرلىك تۇرعىسىنان، جاسىنا بايلانىستى دەنساۋلىعىنىڭ ناشارلاۋىنا بايلانىستى بۇرىنعى پرەزيدەنت لي ميەن باكقا ەرەكشە راقىمشىلىق جاسالدى. وسى ەرەكشە جاڭا جىلدىق راقىمشىلىق ارقىلى ۇكىمەت كورەيا رەسپۋبليكاسىنىڭ دامۋى ءۇشىن بارلىعىنا كۇش بىرىكتىرۋ مۇمكىندىگىن بەرۋ ءۇشىن قوعامىمىزداعى قاراما- قايشىلىقتار مەن قاقتىعىستاردى شەشۋگە تىرىستى.
ەستەرىڭىزگە سالا كەتەيىن، ەكس- پرەزيدەنت 2020 -جىلدىڭ اقپان ايىندا 17 جىلعا باس بوستاندىعىنان ايىرىلعان بولاتىن. ليگە اۆتوكولىك بولشەكتەرىن شىعاراتىن كومپانيانىڭ اقشاسىن جىمقىردى جانە سامسۋنگ ەلەكترونيكس كومپانياسىنان پارا الدى دەپ ايىپ تاعىلدى. ول 11 ميلليون دوللار ايىپپۇل مەن 5 ميلليون دوللار بەرەشەگىن تولەۋگە ءماجبۇر بولدى.
تۇرمەدەن دەنساۋلىعىنىڭ ناشارلاۋىنا بايلانىستى بىرنەشە رەت اۋرۋحاناعا جەتكىزىلدى. قانت ديابەتىمەن، برونحيتپەن اۋىرعان. اعىمداعى جىلدىڭ ماۋسىم ايىندا 81 جاستاعى لي ميەن باك ءولىم جازاسىن توقتاتۋعا ءوتىنىش ءبىلدىردى. لي 2008 -جىلدان 2013 -جىلعا دەيىن پرەزيدەنت بولدى. ول ەلدى باسقارعان كەزدە قازاقستان- كورەيا قارىم-قاتىناسى وتە جوعارى دەڭگەيدە بولدى. لي قازاقستانعا 2009، 2011 جانە 2012 -جىلدارى بىرنەشە رەت كەلگەن.
www.24.kz
