ەلوردادا قۇرىلىسى ۇزاققا سوزىلعان تۇرعىن ۇيلەر قاشان تاپسىرىلاتىنى ناقتىلاندى
«پروبلەماسى بار ۇلەستىك قۇرىلىس نىساندارىنىڭ پايدا بولۋىنىڭ ەكىنشى تولقىنى اياسىندا ەلوردادا 52 نىساندا 150 ءۇي تىركەلگەن ەدى. بۇل تۇرعىدا 16 مىڭنان استام ۇلەسكەر الدانىپ قالدى. مەملەكەتتىك باعدارلاما اياسىندا 2019 -جىلدان قازىرگە دەيىنگى كەزەڭدە 120 تۇرعىن ءۇيدىڭ قۇرىلىسى اياقتالىپ، 14 مىڭنان استام وتباسى باسپانالى بولدى. قالعان 30 ءۇي 2023 -جىلى جانە 2024 -جىلدىڭ باسىندا اياقتالادى دەپ جوسپارلانعان»، - دەدى د. دوسقۇلوۆ استانا قالاسى قوعامدىق كەڭەسىنىڭ وتىرىسىندا.
ونىڭ ايتۋىنشا، قازىر قالا اكىمدىگى جانىنداعى ۆەدومستۆوارالىق كوميسسيا اياسىندا قارالعان 10 نان استام نىسان باسقارمانىڭ باقىلاۋىندا تۇر. بۇل نىساندار ينۆەستورلاردى تارتۋ ارقىلى سالىنىپ جاتىر.
«جاقىندا قالا اكىمى اتالعان نىسانداردىڭ بارلىعىن ارالاپ، جاۋاپتى ادامدارعا ءتيىستى تاپسىرمالار بەردى. بۇل نىسانداردى اياقتاۋ جۇمىستارى جالعاسىپ كەلەدى»، - دەدى باسقارما باسشىسى.
بۇدان بۇرىن حابارلانعانداي، تاياۋدا استانادا 300 دەن استام ۇلەسكەر بىرنەشە جىلدان بەرى كۇتىپ جۇرگەن پاتەرىن الدى.
