تۇركىستان مەن شىمكەنتتە ۇشەمدەر دۇنيەگە كەلدى

38 جاستاعى شىمكەنت قالاسىنىڭ تۇرعىنى جازيرا كوشەربايەۆا جۇكتىلىكتىڭ 32-اپتاسىندا نۇرساتتاعى پەريناتالدىق ورتالىققا جەتكىزىلگەن. دارىگەرلەر 21-قاراشا كۇنى جۇكتى ايەلدى كەسار تىلىگى ارقىلى بوساندىردى. دۇنيەگە كەلگەن ۇشەمدەردىڭ سالماعى – 1480 گرام، 1380 گرام، 1175 گرام.

مەرزىمىنەن بۇرىن تۋعان شاقالاقتار ءبىر ايدان اسا قالالىق پەريناتالدىق ورتالىقتاعى دارىگەرلەردىڭ مەديتسينالىق باقىلاۋىندا بولدى.

ۇشەمدەرگە پەريناتالدى ورتالىقتىڭ نەوناتولوگتارى جيىرما بەس كۇن قاراپ، مەديتسينالىق كومەك كورسەتتى. اسىلبەك، ءامينا، مەدينا ەسىمدى سابيلەردىڭ قازىرگى جاعدايى قالىپتى.

دەنساۋلىقتارى جاقسارعان ءۇش ءسابي مەن اناسىن پەرزەنتحاناداعى دارىگەرلەر ءسان-سالتاناتپەن شىعارىپ سالدى.

سونداي-اق، 33 جاستاعى تۇركىستاندىق كەلىنشەك تە ۇشەم بوساندى. تۇركىستان وبلىسى، سايرام اۋدانىنىڭ تۇرعىنى شاحلا حالمەتوۆا 2№ وبلىستىق پەريناتالدىق ورتالىقتا 2 قىز، ءبىر ۇلدى ومىرگە اكەلدى.

جاڭا تۋعان نارەستەلەرگە شۋكرونا، يۋسۋف، يفارا ەسىمدەرى بەرىلدى. نارەستەلەردىڭ سالماعى ەكى كەلىگە جۋىق. مەرزىمىنەن ەرتە تۋعان ۇشەمدەر پەريناتالدىق ورتالىق دارىگەرلەرىنىڭ باقىلاۋىنا الىنعان.

قازىر انا مەن سابيلەردىڭ جاعدايلارى جاقسى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى