اسكەري قىزمەتشىلەرگە باستاپقى جارناسىز باسپانا نەسيەسىن بەرۋ باعدارلاماسى ازىرلەنىپ جاتىر
بۇل جايىندا سەنات دەپۋتاتتارىنىڭ ساۋالىنا ق ر پرەمەر-ءمينيسترى ءاليحان سمايىلوۆتىڭ جاۋابىندا ايتىلعان، دەپ حابارلايدى قازاقپارات ءتىلشىسى.
«وتباسى بانك» ا ق اسكەري قىزمەتشىلەردىڭ تۇرعىن ءۇيدى ساتىپ الۋعا باستاپقى جارناسىنىڭ سوماسىن تومەندەتۋ ماقساتىندا اسكەري قىزمەتشىلەرگە باستاپقى جارناسىز يپوتەكالىق كرەديت بەرۋ باعدارلاماسىن ازىرلەپ جاتىر. پرەزيدەنت اكىمشىلىگىنىڭ تاپسىرماسى بويىنشا ۇكىمەت تۇرعىن ءۇي تولەمىن جۇزەگە اسىرۋ بويىنشا قولدانىستاعى تاسىلدەردى قايتا قاراۋدى جۇزەگە اسىرادى»، - دەپ اتاپ وتەدى ءاليحان سمايىلوۆ جاۋابىندا.
ونىڭ اتاپ وتۋىنشە، قازىرگى ۋاقىتتا تۇرعىن ءۇي تولەمىن جۇزەگە اسىرۋ ءۇشىن قاجەتتى قارجى كولەمى ناقتىلانىپ جاتىر.
«مۇددەلى مەملەكەتتىك ورگاندار قاتارىنان جۇمىس توبى (قارجى م ي ن ى، ۇ ە م، ب پ، م ك ق، ۇ ق ك، ق م ا، س ج ق ا، ءى ءى م، قورعانىس م ي ن ى، ت ج م، پ م ك) قاجەتتى قوسىمشا قارجىلاندىرۋ كولەمىن باعالاۋ، سونداي-اق تۇرعىن ءۇي تولەمىنىڭ قولدانىستاعى تەتىگىن جەتىلدىرۋ، ونىڭ ىشىندە ولاردىڭ مولشەرىن ورتاشالاندىرۋعا باعىتتالعان كەشەندى شارالاردى دايىنداۋ ءۇشىن تۇرعىن ءۇي تولەمىنىڭ قولدانىستاعى تارتىبىنە جانە بار پروبلەمالىق ماسەلەلەرگە تالداۋ جۇرگىزۋدە»، - دەدى ۇكىمەت باسشىسى.
