رەسەيدە كولىك تاپشى
كەلەسى جىلى رەسەي حالقىنا 1 ميلليونعا جۋىق كولىك جەتپەي، تاپشىلىق تۋىنداۋى مۇمكىن. جىل باسىندا رەسەيدىڭ اۆتونارىعىندا 60-قا جۋىق شەتەلدىك كولىك برەندىن تابۋعا بولاتىن. ال، قازىر سودان تەك 14- ءى قالدى.
رەسمي ديلەرلەردىڭ قويماسىندا 20-30 مىڭداي عانا جاڭا كولىكتەر بار. بۇل شامامەن 1 ايعا جەتەدى، دەيدى ساراپشىلار.
ماكسيم شيشكو، اۆتوساراپشى:
- جىلدىڭ I توقسانىندا جاساعان ەڭ پەسسيميستىك بولجامدار ورىندالدى. وسى جىل 650-700 مىڭ جاڭا اۆتوموبيل دەڭگەيىندە جابىلادى. بۇل - ءىس جۇزىندە 2,5 ەسە تومەن كورسەتكىش.
وكىنىشتىسى، 2023 -جىلى دا بۇل سالادا وڭ وزگەرىستەر بولمايتىنى انىق. ال، وتاندىق برەندتەر ەسەبىنەن از عانا تۇزەتۋلەر بولۋى مۇمكىن. شەتەلدەن كەلەتىن كولىكتىڭ ازايۋىمەن قاتار تۇتىنۋشىنىڭ تولەم قابىلەتى تومەندەدى. سەبەبى تەمىر تۇلپاردىڭ باعاسى اسپانداپ تۇر: پرەميۋم كولىكتەردىڭ قۇنى 70 پايىزعا، ال قىتايلىق برەند كولىكتەر 40 پايىزعا قىمباتتاعان. ساراپشىلاردىڭ ايتۋىنشا، قىتايدا 10 مىڭ دوللار تۇراتىن اۆتو رەسەيدە 3 ەسە جوعارى باعاعا ساتىلىپ جاتىر. وسىلايشا، نارىقتاعى جالپى باعا 2 جىلدا 3 پايىزدان 26 پايىزعا ءوستى. وتاندىق برەندتەر دە ارزان ەمەس.
يليا ۋشايەۆ، اۆتوساراپشى: - Lada Westa-نىڭ قازىرگى قۇنى 2,7 ميلليون رۋبل تۇرادى. ونىڭ باعاسى باستاپقىدا 700 مىڭ رۋبل ەدى. 3 ميلليون رۋبل لادا ۆەستاعا تۇرارلىق باعا ما؟ سوندا، ەكى ميلليوندى تەك قىمباتشىلىق ەلگە كەلگەنى ءۇشىن ۇستەمە تولەۋگە ءتيىس بولىپ قالدىق.
شەتەلدىك برەندتەر تاسىمالى ازايعان سوڭ، رەسەيلىك اۆتوۆاز كومپانياسىنىڭ تابىسى ارتتى. 2022 -جىلدىڭ قورىتىندىسى بويىنشا كاسىپورىن 200 مىڭ دانا كولىك ساتقان. الداعى جىلى 500 مىڭ بىرلىككە جەتكىزۋدى جوسپارلاپ وتىر. سونداي- اق بيىل كۇزدە «موسكۆيچ» ماركاسىنىڭ جاڭا ۇلگىسى ساتىلىمعا شىقتى.
الايدا، رەسەيلىكتەردىڭ پىكىرىنشە، بۇل - بۇرىنعى Renault زاۋىتىندا جينالعان قىتايلىق كروسسوۆەردىڭ تولىق انالوگى. سۇرانىس بولعانىمەن، جىلدىڭ سوڭىنا دەيىن موسكۆيچتىڭ تەك 600 داناسى جينالماق. سول سەبەپتى، رەسەيلىكتەر سۇر يمپورتتان جاڭا كولىك ىزدەيدى. كەلەسى جىلى اۆتوكولىك نارىعىنداعى «پاراللەل» يمپورت ۇلەسى % 30 - عا دەيىن جەتۋى مۇمكىن دەگەن بولجامدار بار.
www.24.kz
