شىمكەنتتە ەلىمىزدەگى ەڭ ۇلكەن يپپودروم سالىنىپ جاتىر

بۇل تۋرالى شىمكەنت قالاسى اقپاراتتىق- كوممۋنيكاتسيالىق ورتالىعىندا وتكەن بريفينگتە قالا اكىمىنىڭ ورىنباسارى ماقسۇت يساحوۆ مالىمدەدى، دەپ حابارلايدى قازاقپارات ءتىلشىسى.

جاڭا يپپودروم كەلەر جىلدىڭ ناۋرىز ايىندا پايدالانۋعا بەرىلەدى دەپ كۇتىلۋدە. مۇندا ءبىر سىزىق بويىندا قاتار تۇرعان 10 ات ءبىر مەزەتتە جۇرۋگە مۇمكىندىگى بار. ال، الاڭنىڭ ۇزىندىعى 2 شاقىرىمدى قۇرايدى. جەرگە دە جىلقىلاردىڭ جۇرۋىنە ىڭعايلى قۇم توسەلگەن.

«قۇمدى 60 كارەردى ارالاپ ءجۇرىپ، ارەڭ تاپتىق. ول جاڭبىر جاۋعاندا سۋدى وزىنە ءسىڭىرىپ الادى. اتتىڭ اياعىنا وتە ىڭعايلى. سونداي- اق، يپپودروم ورتاسىنا كوكپارعا جانە كونكۋرعا ارنالعان ۇلكەن الاڭ جاسادىق. ال، جابىق مانەجدىڭ ۇزىندىعى 135 مەتر بولسا، ەنى 90 مەتردى قۇرايدى. ۇلكەندىگى جاعىنان مۇنداي مانەج قازاقستاندا جوق. جالپى جوبا قۇنى 5,5 - 6 ميلليارد تەڭگەنى قۇرايدى. مۇندا مەملەكەت ەسەبىنەن دە سالاتىن نىساندارىمىز بار. 1 ميلليارد تەڭگە اكىمدىك تاراپىنان جۇمسالسا، قالعان قارجىنى BI group كومپانياسى سالادى»، - دەدى ماقسۇت يساحوۆ.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى