ەلوردا تۇرعىنى ءبىر جىل بۇرىن ساتقان كولىگىن قايتا ۇرلاپ كەتكەن
الماتى اۋدانىنىڭ كريمينالدىق پوليتسيا قىزمەتكەرلەرى جەدەل- ىزدەستىرۋ ءىس- شارالارىن جۇرگىزۋ كەزىندە Daewoo Nexia اۆتوكولىگىن ايداپ اكەتۋگە قاتىسى بار 19 جاستاعى جىگىتتى ۇستادى. تەرگەۋ بارىسىندا كولىك قۇرالى بۇرىن وعان تيەسىلى بولعانى انىقتالدى.
ءبىر جىل بۇرىن جۇرگىزۋشى شەتەلدىك ەسەپكە الىنعان Daewoo Nexia اۆتوكولىگىن قازاقستاندىق ەسەپكە الىنعان اۆتوكولىككە ايىرباستاعان. الايدا ءبىراز ۋاقىتتان كەيىن قازاقستاندىق ەسەپكە الىنعان اۆتوموبيل بۇزىلىپ، جۇرگىزۋشىلەر اراسىندا جانجال تۋىنداعان. بىرنەشە كۇن بۇرىن اۆتوكولىك ساتۋ سايتىن قاراپ وتىرىپ، جىگىت ءوزىنىڭ بۇرىنعى Daewoo Nexia كولىگىن ساتۋ تۋرالى حابارلاندىرۋعا تاپ بولعان.
كوپ ويلانباستان جۇرگىزۋشى كولىكتى ۇرلاۋعا شەشىم قابىلداپ، جابىرلەنۋشىنىڭ تۇرعىلىقتى مەكەنجايىنا بارعان. قوسالقى كىلتتەرمەن ول كولىك قۇرالىن ىسكە قوسۋعا تىرىسقان، الايدا كولىك وتالماعاننان كەيىن ول مانيپۋلياتوردىڭ قىزمەتىن پايدالانعان. كەيىن كولىك وتالدىرىلىپ، كۇدىكتى ۇيىنە جول تارتقان. اتالعان فاكتى بويىنشا سوتقا دەيىنگى تەرگەۋ امالدارى جۇرگىزىلىپ، كۇدىكتى مويىنداۋ كورسەتپەلەرىن بەردى.
ونىڭ ەلوردا اۋماعىندا بۇرىن جاسالعان وسىعان ۇقساس قىلمىستارعا قاتىسى بار- جوعى تەكسەرىلىپ جاتىر.
