مينيستر كولىكتىڭ ءسان-سالتانات سالىعى قالاي سالىناتىنىن ايتتى

قوزعالتقىشتىڭ كولەمىنە قاتىستى ءسان-سالتانات سالىعىن قاراستىرىپ وتىرعان جوقپىز. نەگىزىندە، بىزدە قازىر قانداي دا ءبىر تۇردە ءسان-سالتاناتقا سالىناتىن سالىق بار. قوزعالتقىش كولەمى ۇلكەن بولسا، پروگرەسسيۆتى شكالا ەسكەرىلگەن، ياعني ونىڭ كولەمى ءۇش ليتردەن اسقاندا، كولىككە قاتىستى ءتيىستى سالىق بار. ال، ءسان-سالتانات سالىعىن ەنگىزۋ اياسىندا ءبىز كولىك قۇنىنا قارايمىز. مىسالى، كولىك قۇنى 200 مىڭ دوللار بولسا، وندا باستاپقى جارنا كەزىندە ءبىر رەتتىك تولەم نەمەسە جىل سايىنعى تولەم بولۋى مۇمكىن. سوندىقتان، كولىك قوزعالتقىشىنىڭ كولەمىنە قاراي ەسەپتەۋ بولمايدى دەگەن ويدامىن، - دەدى ءا. قۋانتىروۆ سەنات وتىرىسىنان كەيىن تىلشىلەر سۇراعىنا جاۋاپ بەرە وتىرىپ.

وسى ورايدا، ول بۇل باعىتتاعى ناقتى مالىمەتتەر 2023 -جىلى بەلگىلى بولاتىنىن ايتتى.

«ءسان- سالتانات سالىعىن تالقىلاۋ ەندى عانا باستالدى. 2023 -جىلدىڭ ءبىرىنشى توقسانىندا تالقىلاۋلاردىڭ نەگىزگى كەزەڭى بولادى. ءبىز ءقازىر دامىعان ەلدەردىڭ حالىقارالىق تاجىريبەسىن زەرتتەپ جاتىرمىز»، - دەدى مينيستر.

بۇدان بۇرىن حابارلانعانداي، 2024 -جىلدان باستاپ ءسان-سالتانات سالىعى تۋرالى نورما كۇشىنە ەنەدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى