وڭ جاق رۋلدى كولىكتەرگە قاتىستى ماسەلە شەشىلدى – ءى ءى م

بۇل تۋرالى بۇگىن سەناتتىڭ جالپى وتىرىسىندا ىشكى ىستەر مينيسترلىگى اكىمشىلىك پوليتسيا كوميتەتى ءتوراعاسىنىڭ مىندەتىن اتقارۋشى قايسار سۇلتانبايەۆ ايتتى، دەپ حابارلايدى قازاقپارات ءتىلشىسى.

قايسار سۇلتانبايەۆ پرەزيدەنتتىڭ مەملەكەتتىك تىركەۋدەن وتپەگەن شەتەلدىك اۆتوكولىكتەردى ءبىرجولعى زاڭداستىرۋ جونىندەگى تاپسىرماسى اياسىندا ءتيىستى جۇمىستار ءجۇرىپ جاتقانىن ءمالىم ەتتى. وسى ورايدا، «قازاقستان رەسپۋبليكاسىنىڭ كەيبىر زاڭنامالىق اكتىلەرىنە مەملەكەت باسشىسىنىڭ جەكەلەگەن تاپسىرمالارىن ىسكە اسىرۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسىندا ءتيىستى نورما قامتىلعان.

«وسى زاڭ جوباسىنا ءبىز تاياۋدا عانا ۇسىنىس ەنگىزدىك. وڭ رۋلدى كولىكتەر ءبىرجولعى زاڭداستىرۋعا ەنگىزىلەدى. بۇگىندە قازاقستاندا مۇنداي 20 مىڭعا جۋىق كولىك بار. بۇل ۇسىنىس ەنگىزىلىپ، كوميتەتتە قولداۋ تاپتى. ماسەلە شەشىلدى»، - دەدى ءى ءى م وكىلى.

جالپى، بۇگىنگى كەزدە قازاقستان رەسپۋبليكاسىندا زاڭداستىرۋعا جاتاتىن اۆتوكولىك سانى 300 مىڭنان اسادى. جاقىندا ق. سۇلتانبايەۆ ورتالىق كوممۋنيكاتسيالار قىزمەتىندە وتكەن بريفينگىدە رۋلى وڭ جاقتاعى كولىكتەردى زاڭداستىرۋ نە ءۇشىن كەرەك ەكەنىن تۇسىندىرگەن ەدى.

ەسكە سالا كەتەيىك، 2007 -جىلدان بەرى رۋلى وڭ جاقتاعى كولىكتەردى تىركەۋگە زاڭناما بويىنشا تىيىم سالىنعان.

بۇدان بۇرىن حابارلانعانداي، بيىل 1- قىركۇيەكتەگى جولداۋىندا مەملەكەت باسشىسى قاسىم- جومارت توقايەۆ 2022 -جىلعى 1- قىركۇيەككە دەيىن ەلگە اكەلىنگەن اۆتوكولىكتەرگە قاتىستى احۋالدى رەتتەۋ كەرەك ەكەنىن ايتتى.

«ولاردى زاڭداستىرۋ ماقساتىندا ۋتيليزاتسيا جانە العاشقى تىركەۋ ءۇشىن تولەنەتىن قارجى كولەمىن 200-250 مىڭ تەڭگەدەن اسىرماي، بارىنە بىردەي جانە ءبىر رەتتىك الىم الۋدى ۇسىنامىن»، - دەدى پرەزيدەنت.

اۆتور

رۋسلان عابباسوۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى