پەتروپاۆلدا زەينەتكەر ۇلىنىڭ ورنىنا نەمەرەلەرىنە اليمەنت تولەۋگە مىندەتتەلدى

بۇل تۋرالى وبلىستىق پروكۋراتۋرا باسپا ءسوز قىزمەتى وكىلدەرى مالىمدەدى، - دەپ حابارلايدى «التىن وردا» پورتالى.

پروكۋراتۋرا وكىلدەرىنىڭ ايتۋىنشا، 2021 -جىلعى 1-ماۋسىمداعى سوت قاۋلىسىمەن ق. ت. ە. پايداسىنا ق. ا. ح- دان كامەلەتكە تولماعان بالالار ءۇشىن اي سايىنعى جالاقىنىڭ جانە (نەمەسە) وزگە دە كىرىستىڭ 1/3 بولىگى مولشەرىندە اليمەنت ءوندىرىلدى. الايدا بورىشكەر ءوز مىندەتتەمەلەرىن ورىنداماعان، ناتيجەسىندە 3,7 ميلليون ​​تەڭگە قارىز جينالعان.

«نەكە (ەرلى-زايىپتىلىق) جانە وتباسى تۋرالى» قازاقستان رەسپۋبليكاسى كودەكسىنىڭ 152-بابىنا سايكەس، وزدەرىنىڭ ەڭبەككە جارامدى اتا-انالارىنان، بىرگە تۋعان كامەلەتكە تولعان ەڭبەككە جارامدى اعالارى مەن اپالارىنان كۇتىپ-باعۋ قاراجاتىن الۋعا مۇمكىندىك بولماعان جاعدايدا، كامەلەتكە تولماعان كومەككە مۇقتاج نەمەرەلەر اليمەنت تولەۋگە قاجەت قاراجاتى بار اجەسى مەن اتاسىنان سوت تارتىبىمەن اليمەنت الۋعا قۇقىعى بار«، - دەپ ءتۇسىندىردى پروكۋراتۋرا وكىلدەرى.

بالالاردىڭ اناسى بورىشكەردىڭ اكەسىنەن (اتاسىنان) نەمەرەلەرىن اسىراۋعا ارنالعان اليمەنت تولەمدەرىن ءوندىرۋ تۋرالى ارىزبەن سوتقا جۇگىنگەن. پەتروپاۆل №2-سوتى بۇل ءوتىنىشتى قاناعاتتاندىردى.

»اتاسىنىڭ زەينەتاقىسىنان اي سايىن 10 ايلىق ەسەپتىك كورسەتكىش (30630 تەڭگە) كولەمىندە اليمەنت وندىرىلەدى«، - دەدى وبلىستىق پروكۋراتۋرانىڭ باسپا ءسوز قىزمەتى وكىلدەرى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى