كوروناۆيرۋس پاندەمياسى كوكتەمگە قاراي اياقتالادى - گەرمانيالىق ساراپشى بولجامى
بۇل تۋرالى قازاقپارات DW اقپارات اگەنتتىگىنە سىلتەمە جاساپ حابارلايدى.
دارىگەر COVID-19 پاندەمياسى 2023 -جىلدىڭ كوكتەمىنە قاراي اياقتالادى دەپ بولجاپ وتىر. ونىڭ ايتۋىنشا، SARS- CoV-2 ۆيرۋسىنىڭ تاعى ءبىر نەمەسە بىرنەشە «كىشىگىرىم تولقىندارى» تارالۋى مۇمكىن.
«ءبىراق، ءبىز حالىقتىڭ يممۋنيتەتى كۇشتى ەكەنىن تۇسىنەمىز جانە بىزدەگى ينتەنسيۆتى تەراپيا بولىمشەلەرىندە كوۆيدپەن اۋىراتىندار ايتارلىقتاي از. پاندەميانىڭ بىرتىندەپ اياقتالىپ كەلە جاتقانىنا سەنەمىن»، - دەپ كەلتىردى ونىڭ سوزدەرىن Redaktionsnetzwerk Deutschland باسىلىمدار توبى.
مامان گەرمانيادا كوروناۆيرۋستىڭ تاعى ءبىر ءقاۋىپتى نۇسقاسىنىڭ تارالۋى ەكىتالاي دەپ سانايدى.
«COVID-19 ۆيرۋسىنان قورعانىس وتە جاقسى جۇمىس ىستەپ جاتقان سياقتى، - دەيدى ساراپشى ت- ليمفوتسيتتەر مەن انتيدەنەلەرگە نەگىزدەلگەن يممۋنيتەت تۋرالى ايتا وتىرىپ. - اۋىر سىرقاتتاناتىندار ازايىپ كەلەدى. جاعداي قايتالانبايتىن بولار دەگەن ويدامىن».
ايتا كەتسەك، روبەرت كوح اتىنداعى ينستيتۋت تاراتقان مالىمەتكە سايكەس، 25-جەلتوقسانداعى جاعداي بويىنشا گەرمانيادا SARS- CoV-2 ۆيرۋسى 37,21 ميلليون ادامنان راستالعان. سونىڭ ىشىندە، 36,42 ميلليون ناۋقاس جازىلىپ شىقتى، ال 160768 ادام قايتىس بولدى. 24-جەلتوقسانعا دەيىن گەرمانيادا COVID-19 ۆيرۋسىنا قارسى 190,4 ميلليون ۆاكسينا ەگىلدى. ەل تۇرعىندارىنىڭ 76,3 پايىزى تولىق ەكپە السا، 62,6 پايىزىنا ەكپەنىڭ كۇشەيتكىش دوزاسى ەگىلگەن.
