گولوۆكيننىڭ مۋراتاعا تارتۋ ەتكەن شاپانى مۋزەيگە قويىلدى

قازاقتىڭ ۇلتتىق ويۋ- ورنەگىمەن كومكەرىلگەن شاپان جاپونياداعى ريوتا مۋراتانىڭ اۋەسقوي جانە كاسىپقوي بوكستەگى جەتىستىكتەرىنە ارنالعان ەكسپوزيتسيالار زالىنا قويىلعان. ول مۋراتانىڭ 2012 -جىلعى وليمپيادادا العان التىن مەدالى مەن بوكسشى WBA نۇسقاسى بويىنشا يەلىك ەتكەن بەلبەۋدىڭ جانىنا ورنالاستىرىلىپتى.

ەسكە سالساق، 9- ءساۋىر كۇنى گەننادي گولوۆكين (41-1-1، 36 ك و) جاپونيانىڭ سايتاما قالاسىندا وتكەن كاسىپقوي بوكس كەشىندە شارشى الاڭ يەسى ريوتا مۋراتانى (16-2، 13 ك و) 9 راۋندتا نوكاۋتقا جىبەرگەن ەدى. گولوۆكين بۇل جەڭىسىنىڭ ارقاسىندا WBA Super، IBF جانە IBO نۇسقالارى بويىنشا چەمپيوندىق تيتۋلداردىڭ يەسى اتاندى.

جەكپە- جەكتەن كەيىن GGG جاپوندىق قارسىلاسى ريوتا مۋراتاعا شاپانىن تارتۋ ەتتى، ول بۇرىن ەشبىر قارسىلاسىنا مۇنداي قۇرمەت كورسەتپەگەن. چەمپيون بۇعان دەيىن ءار جەكپە- جەككە وسى شاپانىن كيىپ شىعاتىن ەدى.

«مۋراتا ءجۇزى جىلى، جىميىپ جۇرەدى. وعان دەگەن جاقىندىقتى سەزىندىم جانە مەن ونى قاتتى قۇرمەتتەيمىن. مەن ونى كەرەمەت چەمپيون دەپ ەسەپتەيمىن. شاپان - قازاقتىڭ ۇلتتىق كيىمى. ونى ەڭ قۇرمەتتى ادامعا جاباتىن ءداستۇر بار. سول سەبەپتى، ونى مۋراتاعا جاپتىم»، - دەگەن بولاتىن گەننادي گولوۆكين.

فوتو: sports.kz

اۆتور

گۇلنۇر عازيز قىزى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى