قاڭتار قۇرباندارى تۋىستارىنىڭ وتىنىشىمەن شىمكەنتتىڭ باس شىرشاسى باسقا جەرگە كوشىرىلدى

شىمكەنت قالاسىنىڭ اكىمشىلىك ىسكەرلىك ورتالىقتا ورناتىلعان باس شىرشاسى بۇزىلدى.

بۇل جايتقا قاڭتار وقيعاسىندا بالالارى قايتىس بولعان اتا- انالاردىڭ ءوتىنىشى سەبەپ بولعان.

سوندىقتان قاراتاۋ اۋدانىنىڭ اكىمدىگى باس شىرشانى ناۋرىز الاڭىنا كوشىرۋ جونىندە شەشىم قابىلداپتى.

«قاراتاۋ اۋدانىندا جاڭا جىل مەرەكەسىن اتاپ وتۋگە 17 ميلليون تەڭگە قارالدى. مۇنىڭ ىشىندە شىرشا قويۋ، كوشەلەردى بەزەندىرۋ، كرانشتەين ورناتۋ سەكىلدى وزگە دە جۇمىستار كىرەدى. بىلتىرعى قاڭتار وقيعاسى كەزىندە شىرشامىز جانىپ كەتتى. سوندىقتان بيىل جاڭاسىن الىپ وتىرمىز. قاراتاۋ اۋدانىندا ورناتىلاتىن شىرشانىڭ بيىكتىگى 20 مەترگە جۋىق بولادى. قازىر شىرشانى ورناتۋ جۇمىستارى ءجۇرىپ جاتىر» - دەدى قاراتاۋ اۋدانى اكىمىنىڭ ورىنباسارى ازامات پارمانوۆ.

ال، كەشەگى كۇنى «قيال الەمى» ساياباعىنىڭ الدىندا ءال- فارابي اۋدانىنا قاراستى جاڭا جىلدىق شىرشانىڭ شامى جاعىلدى.

ونىڭ اۋماعىنا 30-عا جۋىق جاڭاجىلدىق شاعىن ساۋلەت مۇسىندەرى ورناتىلدى.

ايتا كەتەيىك، جاڭا جىلدى اتاپ وتۋگە شىمكەنت قالاسىنداعى 4 اۋدانعا قارجى بولەك- بولەك قارالعان.

كەي اقپارات كوزدەرىنىڭ جازۋىنشا، جالپى كولەمى 40 ميلليون جۋىق قارجى جۇمسالماق.

اۆتور

قايرات زاينيشيەۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى