الماتىدا جاڭاجىلدىق شىرشا مەن بەزەندىرۋگە قانشا قارجى ءبولىندى

وڭتۇستىك استانالىقتار مەن قالا تۇرعىندارى جاڭا جىل قارساڭىندا بەزەندىرىلگەن الماتى كوشەلەرىن ارالاي ءجۇرىپ، ەرتەگى الەمىنە ەنگەندەي كۇي كەشەرى ءسوزسىز.

اسىرەسە، كەشقۇرىم كوشەلەردە جارقىراعان شامدار، بەزەندىرىلگەن شىرشالار ەۋروپا قالالارىن ەسكە سالادى.

قالانىڭ باس شىرشاسى «اباي» الاڭىندا ورناتىلادى. سونىمەن قاتار، ينستاللياتسيالار قالانىڭ 8 اۋدانىندا - ورتالىق كوشەلەردە، اۋدان اكىمدىكتەرىنىڭ ماڭىندا، جاياۋ جۇرگىنشىلەر ايماقتارىندا ورناتىلدى.

جاڭا جىلدىڭ باستى سيمۆولىنىڭ بيىكتىگى - 22 مەتر. باس شىرشا جارىق ديود گيرلياندالارمەن جانە جاڭاجىلدىق 350 ويىنشىقپەن بەزەندىرىلگەن.

قالانىڭ 8 اۋدانىندا شىرشا مەن فوتوايماقتار ورناتىلدى. سونداي-اق، شاعىن ساۋلەت نىساندارى بار.

قالالىق اكىمىدىكتىڭ مالىمەتىنشە، بيىل مەگاپوليستەگى جاڭاجىلدىق بەزەندىرۋگە بيۋدجەتتەن 360 ميلليون تەنگە ءبولىندى.

ايتا كەتەيىك، كوروناۆيرۋس ينفەكتسياسىنا بايلانىستى 2021-جىلى مەگاپوليستەگى جاڭاجىلدىق بەزەندىرۋ قاراپايىم بولدى.

ەسكە سالايىق، الماتىدا باس شىرشانىڭ شامدارى 20- جەلتوقسان كۇنى جاعىلدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى