فرانسۋزدار فۋتبولدان الەم چەمپيوناتىنىڭ فينالىن قايتا ويناۋعا قول جيناۋدا

فينالدا فرانسۋزدار پەنالتي سەرياسىندا جەڭىلىپ قالعان ەدى.

پەتيتسيا فرانسۋزدىڭ ارنايى MesOpinions سايتىندا قۇرىلعان. اۆتورلار «ساتىلىپ الىنعان تورەشىلىككە» بايلانىستى فينالدى قايتا ويناتۋعا شاقىرادى. پەتيتسيانى حالىقارالىق فۋتبول فەدەراتسياسىنا (ف ي ف ا) قاراۋعا جىبەرۋ جوسپارلانۋدا. قازىرگى ۋاقىتتا الەم چەمپيوناتىنىڭ فينالىن قايتا ويناتۋ تۋرالى وتىنىشكە 196 مىڭنان استام ادام قول قويعان. كاتارداعى 2022 -جىلعى الەم چەمپيوناتىنداعى جەڭىس فرانسيا قۇراماسى ءۇشىن قاتارىنان ەكىنشى جانە تاريحتاعى ءۇشىنشى جەڭىس بولۋى مۇمكىن. ديدە دەشامنىڭ كومانداسى ماتچتىڭ نەگىزگى ۋاقىتى بويىنشا 0:2 ەسەبىمەن وينادى، كەزدەسۋ وۆەرتايمعا اۋىسىپ، وندا ول 2:3 ەسەبىمەن جەڭىلىپ قالعان ەدى. ءبىراق فينالدا حەت- تريك جاساعان شابۋىلشى كيليان مباپپە ەسەپتى قايتا تەڭەستىردى. پەنالتي سەرياسىندا فرانسيا 2-4 ەسەبىمەن جەڭىلىپ قالدى.

ەسكە سالا كەتەيىك، پەنالتي سەرياسىندا فرانسيانى جەڭگەن ارگەنتينا ءۇشىنشى رەت الەم چەمپيونى اتاندى. ارگەنتيناداعى فۋتبول مەرەكەسى كەزىندە جانكۇيەر كوز جۇمدى. ارگەنتينا حالقى چەمپيوندارىن زور قوشەمەتپەن كۇتىپ الدى.

پاريجدە 50 مىڭ فرانسۋز جانكۇيەرى قاتاردان ورالعان فۋتبولدان ۇلتتىق قۇرامانى قوشەمەتپەن قارسى الدى. فۋتبولدان الەم چەمپيوناتىنا قاتىسقان قۇرامالاردىڭ قانشا سىياقى الاتىنى بەلگىلى بولدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى