ىبىراي التىنساريننىڭ ءومىرى مەن قىزمەتى جايىندا جاڭا كىتاپ جارىق كوردى
كىتاپ مۇراعات، مۇراجاي جانە ەكسپەديتسيا زەرتتەۋلەرىنىڭ ماتەريالدارىنا نەگىزدەلىپ جازىلعان.
ەكسپەديتسيالىق توپ رەسەي جانە قازاقستان اۋماعىندا مۇراجايلارىنان فوتوسۋرەتتەر مەن ۆيدەودەرەكتەرگە قول جەتكىزگەن.
كىتاپ ىشىنە ورنالاستىرىلعان QR كود كومەگىمەن دەرەكتى فيلم، سونداي-اق اۋديويلليۋستراتسيا رەتىندە تانىسۋعا، ى. التىنسارين مۇراجايىنا ساپار شەگۋگە مۇمكىندىك تە بار.
تۋىندى الماتى قالاسىندا وتكەن «ۇلى جىبەك جولىمەن-2022» حالىقارالىق كورمەسى اياسىندا «جىلدىڭ ۇزدىك كىتابى» نوميناتسياسى بويىنشا گران-پريدى دە يەلەندى.
ءسوز باسىن باسپا پرەزيدەنتى - گاۋحار ايتجان قىزى سايماسايەۆا الدى.
«كىتاپتى تىڭ ماتەريالدارمەن تولىقتىرۋ ءۇشىن وعان لايىقتى فوتوسۋرەتتەر، ۆيدەولار كەرەك بولدى. سول ءۇشىن ءبىزدىڭ الماتىكىتاپ باسپاسىنان ارنايى ەكسپەدەتسيالىق توپ قۇرىلدى. ولار التىنساريننىڭ تۋعان جەرى ارقالىقتان باستان، تورعاي، قوستاناي، تىپتەن سوناۋ رەسەيدەگى ترويتسك جەرىنە دەيىن بارىپ، ەكسكليۋزيۆتى ماتەريالداردى جينادى. ونىڭ ءبارى وسى كىتاپقا ەنگىزىلدى»، - دەگەن ول تۋىندىنىڭ شىعۋ تاريحىنا شولۋ جاساپ، كەلگەن قوناقتارعا العىسىن ايتتى.
ايتۋلى شاراعا ق ر جازۋشىلار وداعى ءتوراعاسىنىڭ ورىنباسارى باۋىرجان جاقىپ، قازاقستان جازۋشىلار وداعىنىڭ مۇشەسى، ى. التىنسارين جايىندا جازىلعان «التىنسارين الاۋى» اتتى ءتورت ءبولىمدى تاريحي روماننىڭ اۆتورى نۇرداۋلەت اقىش، «قازاقستان ءداۋىرى» گازەتىنىڭ باس رەداكتورى، جۋرناليست ەرتاي ايعالي ۇلى، «ءبىلىمدى ەل» گازەتىنىڭ جەتەكشىسى لياززات تۋركەستانوۆا سىندى ەل رۋحانياتىنا ەڭبەك سىڭىرگەن تۇلعالار مەن كىتاپ ءىسىنىڭ دامۋىنا ۇلەس قوسىپ جۇرگەن جايساڭ جاندار جينالدى.
