رەيسكە كەشىككەن اپكەسى ءۇشىن ۇشاقتا بومبا بار دەپ جالعان حابار بەرگەن جىگىت سوتتالدى

استانا قالالىق سوتىنىڭ رەسمي سايتىندا جاريالانعان مالىمەتكە سەنسەك، 1-قازاندا ازامات ن. ۇيىندە بولعان.

وعان اپايى حابارلاسىپ، استانا - تالدىقورعان باعىتىنداعى اۋە رەيسىنە تىركەۋگە كەشىككەنىن، سوندىقتان ونى ۇشاق بورتىنا كىرگىزبەي قويعانىن ايتقان.

وسىدان كەيىن ول رەيستى بوگەۋ ماقساتىندا اتالعان ۇشاق بورتىنا جارىلعىش زات قويىلعانى تۋرالى جالعان حابار بەرگەن.

سوت ازامات ن-دى ق ر قىلمىستىق كودەكسىنىڭ 273-بابى بويىنشا كىنالى دەپ تانىدى جانە وعان 2 جىل 6 اي مەرزىمگە باس بوستاندىعىن شەكتەۋ تۇرىندەگى جازا تاعايىندادى.

سونىمەن قاتار ول جازاسىن تولىق وتەگەنگە دەيىن پروباتسيالىق باقىلاۋدا بولادى. ۇكىم زاڭدى كۇشىنە ەنگەن جوق.

بۇعان دەيىن ەلوردادا ۇشاقتا جارىلعىش زات بار دەپ حابارلاسقان ازامات ۇستالىپ، يزولياتورعا قامالعانىن جازعان ەدىك.

اۆتور

مارلان جيەمباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى